Տեղի է ունենում Ռոբերտ Քոչարյանի իրավունքների բացահայտ ու կոպիտ խախտում. Հայկ Ալումյանը դիմեց Մարդու իրավունքների պաշտպանին
ՀՀ երկրորդ նախագահ Ռոբերտ Քոչարյանի պաշտպան Հայկ Ալումյանը, մամուլի ասուլիսին անդրադառնալով Ռոբերտ Քոչարյանի կալանավորմանը, նշեց, որ հունիսի 27-ին ներկայացրել են միջնորդություն կալանավորմանը այլընտրանքային խափանման միջոց՝ գրավ կիրառելու վերաբերյալ: «Առաջին ատյանի դատարանը արդեն 13 օր է, ինչ չի քննում միջնորդությունը: Ամենակոպիտ կերպով խախտվում է մարդու իրավունքը»,-ասաց նա:
Նա նաև դիմեց ՄԻ պաշտպանին. «Տեղի է ունենում բացահայտ ու կոպիտ խախտում: Պարոն Թաթոյանը շատ ուրիշ գործերով նաև շատ ուշադիր է կալանքի տակ գտնվող անձանց իրավունքների խախտումներին և հույս ունեմ, որ նույն վերաբերմունքը կդրսևորվի այս դեպքում»:
Հայկ Ալումյանը նշեց, որ դատավարությունը ցույց տվեց, որ դատավոր Արմեն Դանիելյանը արել և անելու է ամեն ինչ, որ հնարավորին չափ շատ խախտի պարոն Քոչարյանի իրավունքները: Նա նշեց, որ դատավոր Արմեն Դանիելյանը գործը իր մոտ չպետք է պահեր, այլ ուղարկեր առաջին ատյանի դատարան:
Հայկ Ալումյանը, անդրադառնալով առաջին ատյանի կողմից ՍԴ դիմելուն, ասաց. «Ինչ էլ որ ՍԴ-ն անի կամ չանի, դա նյութեղեն տեսք պետք է ունենա, չի կարող դատարանի կողմից որևէ գործողություն անելուց հրաժարվելը չունենա նյութեղեն ձևակերպում` մի որոշման, ինչ-որ ակտի տեսքով, ինչ-որ մի հետք պետք է թողնի»:
Ըստ փաստաբանի, երբ օրենքները հանձնվեցին Արմեն Դանիելյանի քննությանը, այդ ամբողջ շղթան եղել է ոչ օրինական. «Այդ մարդիկ իրենց դրել են օրենքի դաշտից դուրս: Արդեն իրենց գործողությունների արդյունքում ստեղծվել է այնպիսի իրավիճակ, որը հիմա օրինական դաշտ բերելու օրինական ճանապարհ չկա»:
Հայկ Ալումյանը նշեց, որ խնդիր կա Ռոբերտ Քոչարյանի և նրա ընտանիքի անդամների տեսակցության հետ կապված, որը չի լուծվել: «Դեռևս ոչ բոլորին են թույլատրում տեսակցել»,-ասաց նա և տեղեկացրեց, որ օրինակ, Սեդրակ Քոչարյանին չեն թույլատրում տեսակցել:
Նա նշեց, որ այդ հարցը առաջին հնարավորության դեպքում վիճարկելու են դատարանում:
Հրապարակվել է հազար խոշոր հարկատուների ցանկը. վճարված գումարները կազմել են ավելի քան 1 տրլն 946 մլրդ...
Շինարարական ընկերություններին ներկայացվող պահանջները խստացվել են
Համատեղ ջանքերի շնորհիվ մեզ կհաջողվի նոր մակարդակի բարձրացնել երկկողմ քաղաքական երկխոսությունը․ Փաշի...
Դաշնային կառավարությունը պետք է գերմանական ոսկու հայրենիք ամբողջական վերադարձի հստակ ժամանակացույց ն...
Մահացել է Երևանի նախկին քաղաքապետ Ռոբերտ Նազարյանը
ՌԴ Կուրսկի մարզի նահանգապետը ճանապարհատրանսպորտային պատահարի է ենթարկվել. նա հիվանդանոցում է
ԱՄՆ-ում առատ ձյան տեղումների և սառույցի պատճառով 24 նահանգներում արտակարգ դրություն է հայտարարվել
Բոլորը պետք է փոխզիջման գնան, ի դեպ` նաեւ ամերիկյան, Վիլնյուսում ասել է Զելենսկին
17-ամյա Աննա Զաքարյանը որոնվում է որպես անհետ կորած
Փոսը շրջանցելու համար, վարորդները երթևեկում են հանդիպակաց գոտիով՝ վթարային իրավիճակնեը ստեղծելով մյո...