ԵԱՀԿ ԽՎ հանձնաժողովը կոչ է արել պաշտպանել բոլոր լրագրողներին, ակտիվիստներին ու բլոգերներին
ԵԱՀԿ Խորհրդարանական վեհաժողովի՝ ժողովրդավարության, մարդու իրավունքների եւ հումանիտար հարցերով հանձնաժողովն այսօր նիստի ժամանակ կոչ է արել պատժել սաուդցի լրագրող Ջամալ Խաշոգջիի սպանության մեղավորներին, ինչպես նաեւ պաշտպանել բոլոր լրագրողներին, ակտիվիստներին ու բլոգերներին, հաղորդում է ՏԱՍՍ-ը:
Բանաձեւի տեքստի համաձայն՝ ԵԱՀԿ ԽՎ-ն դատապարտում է սաուդցի լրագրողի սպանությունն ու անընդունելի համարում լրագրողների ազատության դեմ ոտնձգությունը: ԵԱՀԿ ԽՎ-ն նշել է, որ մեղավորները պետք է պատժվեն:
ԵԱՀԿ ԽՎ-ի կարծիքով՝ ազգային խորհրդարանները պետք է հետեւեն իրենց երկրների կառավարությունների գործողություններին՝ լրագրողների սպանությունների կամ ճնշումների դեպքում:
Քննարկումների ընթացքում բանաձեւի տեքստում ներառվել է նաեւ փոփոխությունը, որի համաձայն՝ ԵԱՀԿ ԽՎ-ն կազմակերպության անդամ երկրներին կոչ է անում ռազմավարություն մշակել՝ լրագրող կանանց նկատմամբ ոտնձգություններն արմատախիլ անելու համար:
Միեւնույն ժամանակ, ԽՎ-ն կոչ է անում ԵԱՀԿ անդամներին իրենց հայրենիք վերադարձնել քաղաքացիներին, որոնք անդամակցել են «Իսլամական պետություն» ահաբեկչական խմբավորմանը, եւ դատական պատասխանատվության ենթարկել:
ԵԱՀԿ ԽՎ-ն կոմպետենտ մարմիններին կոչ է արել նաեւ ապահովել Չեչնիայում ԼԳԲՏԻ ներկայացուցիչների իրավունքների պաշտպանությունը, որոնք հետապնդման են ենթարկվում, իսկ Ռուսաստանին կոչ են արել համագործակցել ԵԱՀԿ-ի հետ այդ հարցերի լուծման համար: Նշվում է, որ խոսքը «լեսբիների, գեյերի, բիսեքսուալների, տրանսգենդերների եւ ինտերսեքսուալների» պաշտպանության մասին:
Հայաստանում կենսաթոշակառուների համար նոր հնարավորություններ են բացվում
Շիրակցի դպրոցականները մեկնել են ամառային հանգստի՝ դեպի «Արագած» ճամբար
Իսպանիայի ընտրանու հարձակվողը վնասվածք ունի
Անտարկտիդայում հայտնաբերված առաջին դինոզավրի ոսկորը գտել են դարակում
Երևանում մի քանի փողոցներում կփոխվի երթևեկության կազմակերպումը
Գալուզինը կասկածի տակ է դնում եվրոպական շուկաների՝ Հայաստանի համար այլընտրանք լինելը
Արարատի մարզ Քաղցրաշեն գյուղում կաթնամթերքի արտադրամասի գործունեություն է կասեցվել
Ոստիկանության գվարդիայի ծառայողներն ու համայնքային ոստիկանները թմրամիջոց պահելու դեպքեր են բացահայտե...
Մեծացել է ռուբլու առքի և վաճառքի տարբերությունը․ ի՞նչ վտանգներ կան բանկային համակարգի համար
Թուրքիան արձագանքել է Իսրայելի կառավարության կողմից Հայոց ցեղասպանությունը ճանաչող բանաձևի հաստատման...