Պուտինը Հռոմի պապին սրբապատկեր է նվիրել
Վատիկանում տեղի է ունեցել Հռոմի պապ Ֆրանցիսկոսի եւ Ռուսաստանի նախագահ Վլադիմիր Պուտինի հանդիպումը։ Ինչպես տեղեկացնում է Ինտերֆաքսը, խոսակցությունը տեւել է մոտ մեկ ժամ. ինչպես եւ նախատեսված է քահանայապետի եւ օտարերկրյա հյուրերի հետ հանդիպումների ընթացակարգով։
Պուտինը պապական պալատ է ժամանել կես ժամ ուշացումով, այնպես որ նրա զրույցը Ֆրանցիսկոս պապի հետ սկսվել է նախատեսվածից 45 րոպե ավելի ուշ։
Հանդիպման ավարտին տեղի է ունեցել նվերների փոխանակման արարողություն։ Ֆրանցիսկոս պապը Պուտինին նվիրել է XVIII դարի փորագրություն Սուրբ Պետրոսի հրապարակի պատկերով, որպեսզի Ռուսաստանի նախագահը «չմոռանա Հռոմը»։ Պուտինն իր հերթին քահանայապետին նվիրել է սրբապատկեր առաքյալներ Պետրոսի եւ Պողոսի պատկերներով։
Անցած հանդիպման ժամանակ Ռուսաստանի նախագահը Հռոմի պապին նվիրել էր կտավ Հիսուս Փրկչի պատկերով եւ Ուղղափառ հանրագիտարանի մի քանի հատոր, իսկ քահանայապետը՝ մեդալ Ավետարանից տեքստով։ Երկու տարի առաջ ՌԴ նախագահը Հռոմի պապին նվիրել էր Վլադիմիրի Աստվածամոր սրբապատկերը, իսկ քահանայապետը՝ Վատիկանյան այգու պատկերով խեցի։
Այնուհետեւ Պուտինը եւ նրան ուղեկցող ռուս պատվիրակները զրուցել են Վատիկանի պետական քարտուղար Պիետրո Պարոլինի հետ։
Հռոմի պապ Ֆրանցիսկոսի հետ Պուտինը հանդիպում է արդեն երրորդ անգամ, մինչ այդ Հռոմի պապը ՌԴ նախագահին ընդունել էր Վատիկանում 2013 թվականի նոյեմբերին եւ 2015-ի հունիսին։
Վատիկան այցից հետո Պուտինը կհանդիպի Իտալիայի նախագահի եւ բանակցություններ կվարի Իտալիայի վարչապետի հետ։
Բաժանորդագրվեք Top-News.am-ին Telegram-ում
Շիրակցի դպրոցականները մեկնել են ամառային հանգստի՝ դեպի «Արագած» ճամբար
Հայաստանում կենսաթոշակառուների համար նոր հնարավորություններ են բացվում
Իսպանիայի ընտրանու հարձակվողը վնասվածք ունի
Երևանում մի քանի փողոցներում կփոխվի երթևեկության կազմակերպումը
Անտարկտիդայում հայտնաբերված առաջին դինոզավրի ոսկորը գտել են դարակում
Գալուզինը կասկածի տակ է դնում եվրոպական շուկաների՝ Հայաստանի համար այլընտրանք լինելը
Արարատի մարզ Քաղցրաշեն գյուղում կաթնամթերքի արտադրամասի գործունեություն է կասեցվել
Ոստիկանության գվարդիայի ծառայողներն ու համայնքային ոստիկանները թմրամիջոց պահելու դեպքեր են բացահայտե...
Մեծացել է ռուբլու առքի և վաճառքի տարբերությունը․ ի՞նչ վտանգներ կան բանկային համակարգի համար
Թուրքիան արձագանքել է Իսրայելի կառավարության կողմից Հայոց ցեղասպանությունը ճանաչող բանաձևի հաստատման...