Զգույշ եղիր սպառնալիքներ հնչեցնելիս. Թրամփը նախազգուշացնում է Իրանին

ԱՄՆ-ի ղեկավար Դոնալդ Թրամփն Իրանի կառավարությանը խորհուրդ է տվել զգույշ լինել և սպառնալիքներ չհնչեցնել, այլապես, ԱՄՆ առաջնորդի խոսքով, դրանք կարող են իրենց դեմ դուրս գալ: Այս մասին տեղեկացնում է РИА Новости-ն:

Ավելի վաղ Իրանի նախագահ Հասան Ռոհանին եվրոպացի գործընկերներին նախազգուշացրել էր, որ կիրակի օրվանից սկսած Թեհրանը կսկսի ուրանի հարստացումն իր ուզած մակարդակով իրականացնել:

«Իրանը հերթական սպառնալիքն է հնչեցնում: Այդ երկրի նախագահ Հասան Ռոհանին հայտարարում է, թե իրենք կարող են անհրաժեշտ քանակությամբ և որքան ցանկանան ուրան հարստացնել ու հատել 3,67%-ի շեմը: Խորհուրդ կտամ զգույշ լինել սպառնալիքներ հնչեցնելիս, Իրան: Դրանք կարող են այնպես շրջվել Ձեր դեմ, ինչպես երբեք»,- ասել է Թրամփը:

Հիշեցնենք, որ միջուկային գործարքից ԱՄՆ-ի դուրս գալուց ուղիղ 1 տարի անց Իրանը հայտարարել էր 60 օրվա ընթացքում ծրագրի որոշ կետերի պարտավորությունների կատարումը դադարեցնելու մասին:

Բաժանորդագրվեք Top-News.am-ին Telegram-ում