Տուսկը կասեցրել է Եվրամիության գագաթնաժողովը
Եվրոպական խորհրդի նախագահ Դոնալդ Տուսկը կասեցրել է ԵՄ գագաթնաժողովը՝ եվրակառույցների առանցքային պաշտոններում թեկնածությունների հարցով լրացուցիչ երկկողմ խորհրդակցությունների համար, բանավեճերը կվերականգնվեն ավելի ուշ, լրագրողներին հայտնել է Եվրախորհրդի ներկայացուցիչը, փոխանցում է «ՌԻԱ Նովոստի»-ն:
ԵՄ առաջնորդները Բրյուսելում ընթացող գագաթնաժողովում պետք է համաձայնության գան Եվրահանձնաժողովի, Եվրախորհրդի եւ ԵՄ դիվանագիտության ղեկավարների պաշտոններում նշանակումների «փաթեթի» շուրջ: Սա անհրաժեշտ է անել մինչեւ հուլիսի 2-ին նոր գումարման Եվրախորհրդարանի լիագումար նիստը սկսվելը:
«Եվրախորհրդի ղեկավարը կասեցրել է գագաթնաժողովը: Հիմա նա առաջնորդների հետ երկկողմ հանդիպումներ է կազմակերպում: Գագաթնաժողովը աշխատանքը կվերսկսի երկկողմ խորհրդակցություններն ավարտելուց հետո»,- հայտնել է պաշտոնյան:
Մեկ այլ աղբյուր հայտարարել է, որ բանավեճերն ընդհատելու անհրաժեշտությունն է մատնանշում «առայժմ որոշման հասնելու անհնարինությունը»:
Կիրակի արտահերթ գագաթնաժողովը վերջին 2 ամսում երրորդն էր՝ եվրակառույցների առանցքային պաշտոններում թեկնածուների փաթեթի շուրջ փոխզիջման հասնելու փորձով: Բանավեճերի սկզբնակետ է դարձել Օսակայում G20-ի գագաթնաժողովի շրջանակում խորհրդակցությունների արդյունքում ձեւավորված «փաթեթը»: Դրա հիմքում էր ԵՀ ղեկավարի պաշտոնում հոլանդացի Ֆրանս Թիմերմանսի թկնածությունը համաձայնեցնելու փոխզիջումային առաջարկը, ում առաջադրել է Եվրախորհրդարանում մեծությամբ երկրորդ խմբակցությունն ունեցող սոցիալ-դեմոկրատների եվրոպական դաշինքը:
Բաժանորդագրվեք Top-News.am-ին Telegram-ում
Հայաստանում կենսաթոշակառուների համար նոր հնարավորություններ են բացվում
Շիրակցի դպրոցականները մեկնել են ամառային հանգստի՝ դեպի «Արագած» ճամբար
Իսպանիայի ընտրանու հարձակվողը վնասվածք ունի
Երևանում մի քանի փողոցներում կփոխվի երթևեկության կազմակերպումը
Անտարկտիդայում հայտնաբերված առաջին դինոզավրի ոսկորը գտել են դարակում
Գալուզինը կասկածի տակ է դնում եվրոպական շուկաների՝ Հայաստանի համար այլընտրանք լինելը
Մեծացել է ռուբլու առքի և վաճառքի տարբերությունը․ ի՞նչ վտանգներ կան բանկային համակարգի համար
Ոստիկանության գվարդիայի ծառայողներն ու համայնքային ոստիկանները թմրամիջոց պահելու դեպքեր են բացահայտե...
Արարատի մարզ Քաղցրաշեն գյուղում կաթնամթերքի արտադրամասի գործունեություն է կասեցվել
Թուրքիան արձագանքել է Իսրայելի կառավարության կողմից Հայոց ցեղասպանությունը ճանաչող բանաձևի հաստատման...