ՀԱՊԿ նոր գլխավոր քարտուղարը պաշտոնը կստանձնի հունվարի 1-ից

ՀԱՊԿ գլխավոր քարտուղարի պաշտոնակատար Վալերի Սեմերիկովը հայտնել է, որ 2020թ․ հունվարի 1-ից ՀԱՊԿ գլխավոր քարտուղարի նշանակման հարցը համաձայնեցվել է։ Այս մասին գրում է ТАСС-ը։

«Կարող եմ որոշակի վստահությամբ ասել, որ 2020 թվականի հունվարի 1-ից ՀԱՊԿ գլխավոր քարտուղարի նշանակման հարցը համաձայնեցված է: Որոշումը ստորագրվել է ՀԱՊԿ անդամ պետությունների ԱԳՆ-ների կողմից, ովքեր հավանություն են տվել Բելառուսի ներկայացուցիչ Ստանիսլավ Զասի թեկնածությանը ՀԱՊԿ գլխավոր քարտուղարի պաշտոնում նշանակելու համար: Սպասենք այդ հարցով ՀԱՊԿ Հավաքական անվտանգության խորհրդի կողմից որոշման ստորագրմանը․ միայն նա է որոշում ընդունում գլխավոր քարտուղարի նշանակման մասին: Դա տեղի ունենալուն պես՝ կտեղեկացնենք մեր պետությունների ԶԼՄ-ներին», - գործակալության հետ հարցազրույցում ասել է նա: