Իրանը զգուշացրել է Եվրաեռյակին. Թեհրանի հաջորդ քայլերը վճռական կլինեն

Իրանի հետ առեւտրի համար ԵՄ-ի հատուկ առեւտրային մեխանիզմը (INSTEX) պետք է համապատասխանի Իրանի պահանջմունքներին, հակառակ դեպքում Թեհրանի հաջորդ քայլերն ավելի վճռական կլինեն: Այս մասին հայտարարել է Իրանի ԱԳՆ պաշտոնական ներկայացուցիչ Աբաս Մուսավին, փոխանցում է Mehr-ը:

«ԵՄ ֆինանսական մեխանիզմի ներդրումը հետաձգվել էր պարտավորությունների բացակայության պատճառով,- ասել է նա: - Այն բանից հետո, երբ Իրանը վերջնագիր ներկայացրեց հունվարին միջուկային համաձայնագիրը ստորագրած եվրոպական երկրներին, նրանք որոշ քայլեր ձեռնարկեցին INSTEX-ի ներդրումն արագացնելու համար, բայց այդ քայլերն անբավարար են, որովհետեւ մեզ համար կարեւոր են դրա կատարման եղանակն ու ժամկետները»:

Խոսելով Վիեննայում համաձայնագիրը ստորագրած երկրների ԱԳ նախարարների առաջիկա հանդիպման մասին՝ Մուսավին նշել է, որ Իրանը ցանկանում է, որպեսզի եվրոպական երկրները գործնական քայլեր ձեռնարկեն եւ իրենց պարտավորությունները կատարեն: Միջուկային համաձայնագրին վերաբերող Իրանի հաջորդ քայլերը գործնականում կախված են եվրոպական երկրների միջոցառումներից, ընդգծել է Մուսավին:

ԲԱԺԱՆՈՐԴԱԳՐՎԵՔ TOP-NEWS.AM-ԻՆ TELEGRAM-ում