Պուտինի եւ Թրամփի հանդիպումը տեւել է 1.5 ժամ
Օսակայում G20-ի գագաթնաժողովի շրջանակում ՌԴ եւ ԱՄՆ նախագահներ Վլադիմիր Պուտինի եւ Դոնալդ Թրամփի հանդիպումը տեւել է 1.5 ժամ, հաղորդում է «ՌԻԱ Նովոստին»:
Հանդիպումից հետո Սպիտակ տունը Twitter-ի էջում հայտնել է, որ երկու երկրների ղեկավարները համաձայնել են, որ հարաբերությունների բարելավումը բխում է յուրաքանչյուր երկրի եւ ամբողջ աշխարհի շահերից: Կողմերը քննարկել են նաեւ Իրանում, Սիրիայում, Վենեսուելայում եւ Ուկրաինայում տիրող իրավիճակը:
«Նախագահները համաձայնել են, որ երկու կողմերը կշարունակեն քննարկումները 21-րդ դարի սպառազինությունների վերահսկման մոդելի վերաբերյալ, որը, ինչպես նախագահ Թրամփն ավելի վաղ հայտարարել է, պետք է ներառի Չինաստանին», - հաղորդում է ՏԱՍՍ-ը:
Ռուսական կողմից հանդիպմանը մասնակցել են ՌԴ նախագահի մամուլի քարտուղար Դմիտրի Պեսկովը, օգնական Յուրի Ուշակովը, արտգործնախարար Սերգեյ Լավրովը, եւ առաջին փոխվարչապետ, ֆինանսների նախարար Անտոն Սիլուանովը:
Թրամփին ուղեկցել են պետքարտուղար Մայք Պոմպեոն, ազգային անվտանգության հարցերով օգնական Ջոն Բոլթոնը, օգնական Ֆիոնա Հիլը, ֆինանսների նախարար Սթիվ Մնուչինը, Սպիտակ տան նոր մամուլի քարտուղար Ստեֆանի Գրիշեմը: Հանդիպմանը ներկա էր նաեւ ԱՄՆ նախագահի դուստր Իվանկան եւ փեսան` Ջարեդ Քուշները, ով նախագահի ավագ խորհրդականն է:
Հայաստանում կենսաթոշակառուների համար նոր հնարավորություններ են բացվում
Շիրակցի դպրոցականները մեկնել են ամառային հանգստի՝ դեպի «Արագած» ճամբար
Իսպանիայի ընտրանու հարձակվողը վնասվածք ունի
Երևանում մի քանի փողոցներում կփոխվի երթևեկության կազմակերպումը
Անտարկտիդայում հայտնաբերված առաջին դինոզավրի ոսկորը գտել են դարակում
Գալուզինը կասկածի տակ է դնում եվրոպական շուկաների՝ Հայաստանի համար այլընտրանք լինելը
Մեծացել է ռուբլու առքի և վաճառքի տարբերությունը․ ի՞նչ վտանգներ կան բանկային համակարգի համար
Ոստիկանության գվարդիայի ծառայողներն ու համայնքային ոստիկանները թմրամիջոց պահելու դեպքեր են բացահայտե...
Արարատի մարզ Քաղցրաշեն գյուղում կաթնամթերքի արտադրամասի գործունեություն է կասեցվել
Թուրքիան արձագանքել է Իսրայելի կառավարության կողմից Հայոց ցեղասպանությունը ճանաչող բանաձևի հաստատման...