Աշխարհն ավելի քիչ կանխատեսելի է դարձել, դա ամենատխուրն է. ՌԴ նախագահ
Ես միշտ մտածում եմ իմ հաջորդողի մասին: Այս մասին ասել է Պուտինը բրիտանական Financial Times թերթին տված հարցազրույցում:
«Առանց չափազանցնելու կասեմ, որ դրա մասին միշտ մտածում եմ՝ սկսած 2000 թվականից»,- ընդգծել է նա:
ՌԴ նախագահ Վլադիմիր Պուտինը վստահ է, որ ՌԴ նախագահի ընտրության սկզբունքն առավել ժողովրդավարական է, քան Մեծ Բրիտանիայում:
«Իրավիճակը փոխվում է, փոխվում են մարդկանց հանդեպ որոշակի պահանջները: Եվ առանց ծամածռության եւ չափազանցնելու ասեմ, որ վերջին հաշվով որոշում պետք է ընդունի Ռուսաստանի ժողովուրդը: Ինչ էլ որ անի գործող նախագահը, ում էլ որ ներկայացնի, վերջին խոսքը ժողովրդինն է, Ռուսաստանի Դաշնության քաղաքացունը»:
Վլադիմիր Պուտինն անդրադարձել է նաև ԱՄՆ նախագահին: Նա ասել է, որ համաձայն չէ իր ամերիկացի գործընկերոջ՝ Դոնալդ Թրամփի որոշ հայացքների հետ, սակայն նրան տաղանդավոր մարդ է համարում:
«Պարոն Թրամփը կարիերային քաղաքական գործիչ չէ: Ես չեմ ընդունում նրա շատ հայացքներ, երբ գործը հասնում է խնդրի լուծմանը: Սակայն գիտե՞ք՝ ինչ եմ մտածում: Կարծում եմ՝ նա տաղանդավոր մարդ է, նա շատ լավ գիտի, թե ինչ են ընտրողներն իրենից ակնկալում»,- ասել է Պուտինը:
Նա հավելել է, որ Թրամփը հաղթել է ընտրություններում ոչ թե ՌԴ ենթադրյալ միջամտության, այլ այն պատճառով, որ ուշադրություն է հատկացրել հանրության փոփոխություններին:
«Իհարկե սառը պատերազմի տարիներին էլ լավ չէր, բայց գոնե ինչ-ինչ կանոններ կային, որով պետությունները ջանում էին առաջնորդվել: Հիմա, ինչպես երևում է, ոչ մի կանոն չկա, և այդ առումով աշխարհը ավելի քիչ կանխատեսելի է դարձել: Դա ամենագլխավորն է ու ամենատխուրը»,-ասել է Պուտինը:
Վլադիմիր Պուտինն անդրադարձել է Սերգեյ Սկրիպալի գործին: Նա, մասնավորապես, ասել է.
«Ընդհանրապես, դավաճանությունը մեծ հանցանք է, որը կարող է լինել երկրի վրա, և դավաճանները պետք է պատժվեն: Ես չեմ ասում, թե պետք է նման կերպ պատժել, ինչպես դա տեղի ունեցավ Սոլսբերիում, ո՛չ: Սակայն դավաճանները պետք է պատժվեն»:
Հայաստանում կենսաթոշակառուների համար նոր հնարավորություններ են բացվում
Շիրակցի դպրոցականները մեկնել են ամառային հանգստի՝ դեպի «Արագած» ճամբար
Իսպանիայի ընտրանու հարձակվողը վնասվածք ունի
Երևանում մի քանի փողոցներում կփոխվի երթևեկության կազմակերպումը
Անտարկտիդայում հայտնաբերված առաջին դինոզավրի ոսկորը գտել են դարակում
Գալուզինը կասկածի տակ է դնում եվրոպական շուկաների՝ Հայաստանի համար այլընտրանք լինելը
Մեծացել է ռուբլու առքի և վաճառքի տարբերությունը․ ի՞նչ վտանգներ կան բանկային համակարգի համար
Ոստիկանության գվարդիայի ծառայողներն ու համայնքային ոստիկանները թմրամիջոց պահելու դեպքեր են բացահայտե...
Արարատի մարզ Քաղցրաշեն գյուղում կաթնամթերքի արտադրամասի գործունեություն է կասեցվել
Թուրքիան արձագանքել է Իսրայելի կառավարության կողմից Հայոց ցեղասպանությունը ճանաչող բանաձևի հաստատման...