Էրդողանն ակնկալում է, որ Թրամփը Թուրքիա կայցելի հուլիսին
ԱՄՆ նախագահ Դոնալդ Թրամփը հուլիսին կարող է այցելել Թուրքիա: Այդ մասին ճապոնական Nikkei թերթին տված հարցազրույցում հայտարարել է Թուրքիայի նախագահ Ռեջեփ Թայիփ Էրդողանը:
Էրդողանը Ճապոնիա է ժամանել G20-ի գագաթնաժողովին մասնակցելու համար եւ սպասվում է, որ կհանդիպի իր ամերիկացի գործընկերոջ հետ:
ԱՄՆ-ի եւ ՆԱՏՕ-ի դաշնակից Թուրքիայի հարաբերություններում լարվածությունը սրվել էր ռուսական C-400 համակարգերի ձեռքբերման պատճառով: ԱՄՆ-ի օրենսդրության համաձայն Թուրքիային կարող են պատժամիջոցներ սպառնալ եւ նա կարող է կորցնել գործընկերությունը եւ F-35 կործանիչների մատակարարումը:
Հարցին՝ կարծում է արդյոք նա, որ կարող է համոզել Թրամփին պատժամիջոցներ չկիրառել Թուրքիայի դեմ, Էրդողանն ասել է.
«Ես կարծում եմ, որ G-20-ի ժամանակ ԱՄՆ նախագահ Դոնալդ Թրամփի հետ հանդիպումը կարեւոր նշանակություն կունենա մեր երկկողմ հարաբերություններում փակուղու վերացման եւ համագործակցության ամրապնդման համար:Բացի այդ խոսքը հուլիսին պարոն Թրամփի այցի մասին է»:
Էրդողանը կրկնել է, որ Անկարան չի հրաժարվի ռուսական համակարգերի գնումից եւ ասել, որ ոչինչ չի լսել Թրամփից պատժամիջոցների մասին:
«Մենք արդեն նրանց 1.5 մլրդ դոլար ենք վճարել F-35 նախագծի համար: Եթե ԱՄՆ-ն սխալ քայլ անի, մենք միջազգային արբիտրաժային դատարան կդիմենք, որովհետեւ ուզում ենք, որ նրանք վերադարձնեն մեր փողերը, որոնք մենք ծախսել ենք»:
Հայաստանում կենսաթոշակառուների համար նոր հնարավորություններ են բացվում
Շիրակցի դպրոցականները մեկնել են ամառային հանգստի՝ դեպի «Արագած» ճամբար
Իսպանիայի ընտրանու հարձակվողը վնասվածք ունի
Երևանում մի քանի փողոցներում կփոխվի երթևեկության կազմակերպումը
Անտարկտիդայում հայտնաբերված առաջին դինոզավրի ոսկորը գտել են դարակում
Գալուզինը կասկածի տակ է դնում եվրոպական շուկաների՝ Հայաստանի համար այլընտրանք լինելը
Մեծացել է ռուբլու առքի և վաճառքի տարբերությունը․ ի՞նչ վտանգներ կան բանկային համակարգի համար
Ոստիկանության գվարդիայի ծառայողներն ու համայնքային ոստիկանները թմրամիջոց պահելու դեպքեր են բացահայտե...
Արարատի մարզ Քաղցրաշեն գյուղում կաթնամթերքի արտադրամասի գործունեություն է կասեցվել
Թուրքիան արձագանքել է Իսրայելի կառավարության կողմից Հայոց ցեղասպանությունը ճանաչող բանաձևի հաստատման...