7 երկրների պատվիրակություններ լքել են ԵԽԽՎ-ն
Ռուսական պատվիրակության լիազորությունների վերականգնումից հետո ԵԽԽՎ-ն լքել են 7 երկրների պատվիրակություններ՝ Ուկրաինա, Լեհաստան, Լիտվա, Սլովակիա, Էստոնիա եւ Վրաստան:
Վերոնշյալ երկրները հայտնել են դեմարշի մասին եւ դիմել իրենց երկրների խորհրդարաններին ու կառավարություններին՝ կապված կազմակերպությունում իրենց հետագա մասնակցության հետ: Այս մասին Facebook-ում գրել է ուկրաինացի պատգամավոր Լեոնիդ Եմեցը, հաղորդում է «112 Ուկրաինա» հեռուստաալիքը:
«Երեկ ԵԽԽՎ-ում ուկրաինական պատվիրակությունը հայտնեց դեմարշի մասին: Այսօր Լեհաստանը, Լիտվան, Սլովակիան, Էստոնիան եւ Վրաստանը միացան Ուկրաինային: Պատվաիրակությունները հայտարարեցին Ռուսաստանի դեմ պատժամիջոցների չեղարկման անթույլատրելիության մասին: Դիմում ենք մեր խորհրդարաններին ու կառավարություններին՝ կապված ԵԽԽՎ-ում մեր հետագա աշխատանքի հետ»,- գրել է Եմեցը:
Նա նաեւ հրապարակել է պատվիրակությունների դեմարշի համատեղ որոշման տեքստը:
«Այսօր մենք՝ մեր երկրների պատվիրակներս, չունենք պատասխան, թե ինչպես Եվրոպայի Խորհուրդը պաշտպանեց իրենց իրավունքները՝ ագրեսորին պաշտպանելով: ԵՄ ապագան սպառնալիքի տակ է գտնվում, եւ ԵԽ-ն կորցնում է մարդկանց վստահությունը, որոնց նա պաշտպանում է: Այսօր մենք վերադառնում ենք տուն, որպեսզի խորհրդակցենք մեր խորհրդարանների ու կառավարությունների հետ»,- ասվում է տեքստում:
Պատվիրակությունները նշում են, որ ռուսական պատվիրակության լիազորությունների վերականգնումը հակասում է ԵԽ արժեքներին եւ կանոնադրությանը:
«Այդ քայլը սխալ ազդանշան է մի երկրի, որը ռազմական ագրեսիա է դրսեւորում, թունավորում մարդկանց քիմիական զենքով եւ նպաստում ողջ Եվրոպայում ապակայունացմանը: Մենք հաջողություն ենք մաղթում նորընտիր գլխավոր քարտուղարին եւ հուսով ենք, որ նա կլուծի այս ճգնաժամը»,- ասվում է հայտարարության մեջ:
Ավելի ուշ Գերագույն ռադայի փոխխոսնակ, ԵԽԽՎ-ում ուկրաինական պատվիրակության անդամ Իրինա Գերաշչենկոն Facebook-ի իր էջում հրապարակել է տվյալ տեքստն ու գրել, որ այն ստորագրել են 7 երկրների պատվիրակությունները:
Նշենք, որ այսօր ԵԽԽՎ որոշմամբ՝ ՌԴ պատվիրակությունը վերադարձել է իր աշխատանքին:
Հայաստանում կենսաթոշակառուների համար նոր հնարավորություններ են բացվում
Շիրակցի դպրոցականները մեկնել են ամառային հանգստի՝ դեպի «Արագած» ճամբար
Իսպանիայի ընտրանու հարձակվողը վնասվածք ունի
Երևանում մի քանի փողոցներում կփոխվի երթևեկության կազմակերպումը
Անտարկտիդայում հայտնաբերված առաջին դինոզավրի ոսկորը գտել են դարակում
Գալուզինը կասկածի տակ է դնում եվրոպական շուկաների՝ Հայաստանի համար այլընտրանք լինելը
Մեծացել է ռուբլու առքի և վաճառքի տարբերությունը․ ի՞նչ վտանգներ կան բանկային համակարգի համար
Ոստիկանության գվարդիայի ծառայողներն ու համայնքային ոստիկանները թմրամիջոց պահելու դեպքեր են բացահայտե...
Արարատի մարզ Քաղցրաշեն գյուղում կաթնամթերքի արտադրամասի գործունեություն է կասեցվել
Թուրքիան արձագանքել է Իսրայելի կառավարության կողմից Հայոց ցեղասպանությունը ճանաչող բանաձևի հաստատման...