ՍԱՍ-ի Արտակը, «ճորտերը» եւ ձայնագրության հրապարակման նպատակը
Քաղաքը, գյուղը քննարկում է Սասի Արտակի հայտնի ժողովի ձայնագրությունը: Ոմանք քննարկում են, արտահայտում իրենց զարմանքը, իսկ ոմանք էլ բավական հետաքրքիր հարցադրումներ անում՝
Ա. Ով է արել ձայնագրությունը
Բ. Ինչու այն չի հրապարակվել ընտրություններից առաջ
Գ. Ինչ նպատակ են հետապնդում այն հրապարակողները
Ամենակարեւորն այն է, որ գոնե սոցիալական ցանցերի մակարդակում արվող քննարկումներում կարմիր թելով անցնում է հետեւյալ միտքը՝ չէ՞ որ ՍԱՍ-ի Արտակի դեպքը եզակի չէ, չէ՞ որ նմանատիպ եւ ավելի խայտառակ մակարդակի ժողովներ են անցկացրել հիմնարկ-ձեռնարկություններ ունեցող այլ ռեյտինգայինները:
Թե ի՞նչ նպատակ են հետապնդում ձայնագրությունը հրապարակողները, կիմանան միայն իրենք, բայց նրանք մեկ անգամ եւս ջրի երես դուրս բերեցին այն կեղտը, որի մեջ մենք ապրում ենք:
Ցավալին այն է, որ այս ձայնագրության հրապարակումը որեւէ ազդեցություն չի ունենա Ազգային ժողովի ձեւավորման վրա: Ամենայն հավանականությամբ, սա պարզապես ճնշում է գործարար Արտակ Սարգսյանի նկատմամբ, այս կամ այն նպատակին հասնելու համար:
Եթե տնօրենների հայտնի ձայնագրության հրապարակումը որեւէ ազդեցություն չունեցավ ընտրությունների ընթացքի վրա, այս ձայնագրությունը եւս չի ունենալու Ազգային ժողովի ձեւավորման վրա:
Հիմա հարցադրում է արվում, թե ՍԱՍ-ի Արտակի ինչին է պետք պատգամավոր դառնալը: Այս շարքում կարելի է ավելացնել ՀՀԿ-ի համամասնական եւ ռեյտինգային ցուցակներով պատգամավորների 98 տոկոսի անունը:
Բայց այս հարցը պետք է ուղղել ոչ թե ՍԱՍ-ի Արտակին եւ մյուսներին, այլ ՀՀԿ ղեկավարությանը, որոնք են հենց այս մարդկանց ուղղորդում, դրդում առաջադրվել, կիրառել կեղտոտ մեթոդներ, դառնալ պատգամավոր եւ վերածվել մանդատ ունեցող կոճակ սեղմողների:
Եւ կրկին անգամ շեշտենք, ՍԱՍ-ի Արտակի ժողովի դեպքը եզակի չէ: Հայաստանը գլխովին խրված է կեղտի մեջ եւ մի սեւեռվեք հենց այս կոնկրետ դեպքի մեջ, այլ փորձեք հասկանալ, թե ինչու են մեր երկրում համատարած նման ժողովներ լինում, եւ գրեթե որեւէ մեկը չի ընդդիմանում: Հիշենք «Խաղալիք» կինոնկարի հերոսի հարցը՝ հիմա հրեշը ես եմ, թե դուք:
Գագիկ Մարտիրոսյան
ՏԻՄ ընտրություններ Հայաստանում. 4 խոշոր համայնքներում քաղաքապետ են ընտրում
Գտնվեց ապրիլյան խայտառակ ընտրությունների միակ մեղավորը
Տնօրենները հայցից հրաժարվում են
Հայաստանցի ընտրողի երգը
«ՀՀ ընտրությունները չեն համապատասխանում ժողովրդավարական սկզբունքներին»
Քարից մինչև արձան. Գիտնականները առաջին անգամ ցույց են տվել Զատկի կղզում մոայիի ստեղծումը
Մայր Աթոռի հայտարարությունը
Զորականում ուսանողին ծեծի ենթարկած դեռահասներն ազատության մեջ են
44-օրյա պատերազմը սկսվել է երկու պատճառով․ Հայաստանի խորհրդարանի փոխնախագահ
Քեյթ Միդլթոնը բացահայտել է իր արտաքինի մասին զարմանալի գաղտնիք
Հայտնի է երկրի ամենախիտ բնակեցված քաղաքը
Խիստ ծանր հիվանդություններից բացի բոլորը պետք է զորակոչվեն բանակ․ Գեղամ Նազարյան
«Միսս Անգլիա» մրցույթում առաջին բացահայտ նույնասեռական հաղթողը պատմել է, որ իրեն «ծաղրել են» իր սեռա...
«Հերյուրանք է». Գագիկ Բեգլարյանը՝ Ավինյանի համար ձայներ ապահովելու եւ փողերի լվացման մասին
54-ամյա Քրիստինա Օրբակայտեն լողազգեստով ցուցադրել է կազմվածքը