Իրանը երբեք պատերազմի չի ձգտել. Ռոհանի
Իրանը երբեք որեւէ մեկի հետ պատերազմի չի ձգտել: Այս մասին Ֆրանսիայի նախագահ Էմանուել Մակրոնի հետ հեռախոսազրույցի ընթացքում ասել է Իրանի նախագահ Հասան Ռոհանին, հաղորդում է Mehr-ը:
Նրա խոսքով՝ Իրանը մշտապես աշխատել է Ֆրանսիայի հետ կայուն, նպատակաուղղված հարաբերությունների հաստատման ուղղությամբ եւ այդպես կշարունակի: Ռոհանին նշել է, որ «անկասկած, միջուկային գործարքից ԱՄՆ-ի դուրսբերումը վնաս է հասցրել ԱՄՆ-ին, Եվրոպային եւ Իրանին, ինչպես նաեւ տարածաշրջանային եւ միջազգային շահերին»:
Ռոհանին հավելել է, որ միջուկային համաձայնագրին Իրանի հակվածությունը հիմնված էր տնտեսական շահերի երաշխիքների վրա, ներառյալ՝ բանկային հարցեր եւ նավթի վաճառք, սակայն, ցավոք, դրանք չեն իրականացվել:
«Եթե այդ համաձայնագրի շրջանակում Իրանի շահերը չեն իրականացվում, ապա մենք քայլ առ քայլ կդադարեցնենք մեր պարտավորությունների իրականացումը»,- նշել է Ռոհանին՝ հավելելով, որ համաձայնագիրը վերանայելու շանսեր չկան:
Նա նաեւ ԱՄՆ վարչակազմին մեղադրել է տարածաշրջանում լարվածության համար:
«Ամերիկյան անօդաչու թռչող սարքը խոցվեց մեր պաշտպանական համակարգերի կողմից Իրանի օդային տարածքը խախտելուց հետո: Եթե ամերիկացիները մտադիր են կրկին ներխուժել մեր տարածք, մեր զինված ուժերը պատրաստ են վճռական պատասխան տալ»,- ասել է Իրանի նախագահը:
Մակրոնն ասել է, որ ցավում է համաձայնագրից ԱՄՆ-ի դուրսբերման եւ Իրանի դեմ պատժամիջոցներ սահմանելու կապակցությամբ՝ հայտարարելով, որ «Ֆրանսիան ձգտում է փրկել համաձայնագիրն ու այլ երկրների, հատկապես՝ ԱՄՆ-ին, կոչ անում հետեւել դրան»:
Մակրոնը նշել է, որ բոլոր երկրները պետք է կանխեն տարածաշրջանում լարվածության աճը:
Հայաստանում կենսաթոշակառուների համար նոր հնարավորություններ են բացվում
Շիրակցի դպրոցականները մեկնել են ամառային հանգստի՝ դեպի «Արագած» ճամբար
Իսպանիայի ընտրանու հարձակվողը վնասվածք ունի
Երևանում մի քանի փողոցներում կփոխվի երթևեկության կազմակերպումը
Անտարկտիդայում հայտնաբերված առաջին դինոզավրի ոսկորը գտել են դարակում
Գալուզինը կասկածի տակ է դնում եվրոպական շուկաների՝ Հայաստանի համար այլընտրանք լինելը
Մեծացել է ռուբլու առքի և վաճառքի տարբերությունը․ ի՞նչ վտանգներ կան բանկային համակարգի համար
Ոստիկանության գվարդիայի ծառայողներն ու համայնքային ոստիկանները թմրամիջոց պահելու դեպքեր են բացահայտե...
Արարատի մարզ Քաղցրաշեն գյուղում կաթնամթերքի արտադրամասի գործունեություն է կասեցվել
Թուրքիան արձագանքել է Իսրայելի կառավարության կողմից Հայոց ցեղասպանությունը ճանաչող բանաձևի հաստատման...