Էրդողանը կորցրեց Թուրքիան
Թուրքիայի նախագահ Ռեջեփ Էրդողանը Ստամբուլի քաղաքապետի կրկնակի ընտրություններում իր թեկնածուի պարտությունից հետո ոչ թե պարզապես կորցրեց իր անհաղթելիությունը, այլ կորցրեց Թուրքիան, գրում է Jerusalem Post-ը:
«Էրդողանը քարոզարշավ անցկացրեց՝ ձեռքի տակ ունենալով պետական ապարատը, ԶԼՄ-ների մեծ մասը, հիմնադրամները: Եվ այդուհանդերձ, իշխող «Արդարություն եւ զարգացում» կուսակցությունը չկարողացավ հավաքել անհրաժեշտ ձայները»,- գրում է Կալիֆորնիայի պետական պոլիտեխնիկական համալսարանի հրավիրված գիտնական Պինար Տրեմբլեյը:
«Հունիսի 23-ին Էրդողանը կորցրեց Թուրքիան պաշտոնապես եւ անվիճելիորեն»,- գրում է հեղինակը:
Առաջին հերթին, Էրդողանը կորցրեց ընտրողներին: Երկրորդ հերթին, թուրք ընտրողները արագ կորցրեցին իրենց սերը դեպի Էրդողանը:
«Ընտրողների աջակցության կորուստը Էրդողանի համար լեգիտիմության կորուստ է նշանակում, եւ նա չի կարող իրեն թույլ տալ քննադատորեն գնահատել սեփական ձախողված քաղաքականությունը»,- կարծում է փորձագետը:
Երրորդ հերթին, Էրդողանը, հավանաբար, նախագահական հրամանագրերը կօգտագործի մունիցիպալ իրավասությունների սահմանափակման համար:
Եվ, վերջապես, Թուրքիայում ճնշումների խորացման ֆոնին, երբ շատերը կորցնում են իրենց աշխատանքը, մեծ է Էրդողանի եւ նրա շրջապատի նկատմամբ դատական հետապնդման հնարավորությունը:
«Նման ռիսկը նվազագույնի հասցնելու համար նրանք հաճախ են փոխում օրենքն ու կանոնները: Կարծում եմ՝ Թուրքիային ծանր օրեր են սպասվում»,- կարծիք է հայտնել Տրեմբլեյը:
Հայաստանում կենսաթոշակառուների համար նոր հնարավորություններ են բացվում
Շիրակցի դպրոցականները մեկնել են ամառային հանգստի՝ դեպի «Արագած» ճամբար
Իսպանիայի ընտրանու հարձակվողը վնասվածք ունի
Երևանում մի քանի փողոցներում կփոխվի երթևեկության կազմակերպումը
Անտարկտիդայում հայտնաբերված առաջին դինոզավրի ոսկորը գտել են դարակում
Գալուզինը կասկածի տակ է դնում եվրոպական շուկաների՝ Հայաստանի համար այլընտրանք լինելը
Մեծացել է ռուբլու առքի և վաճառքի տարբերությունը․ ի՞նչ վտանգներ կան բանկային համակարգի համար
Ոստիկանության գվարդիայի ծառայողներն ու համայնքային ոստիկանները թմրամիջոց պահելու դեպքեր են բացահայտե...
Արարատի մարզ Քաղցրաշեն գյուղում կաթնամթերքի արտադրամասի գործունեություն է կասեցվել
Թուրքիան արձագանքել է Իսրայելի կառավարության կողմից Հայոց ցեղասպանությունը ճանաչող բանաձևի հաստատման...