«Հենց որ հակառուսական հիստերիան ավարտվի». Պեսկովն ասել է՝ երբ ՌԴ-ն կչեղարկի դեպի Վրաստան ավիափոխադրումների արգելքը
Ռուսաստանի Դաշնությունից դեպի Վրաստան ավիափոխադրումների վերականգնումը հնարավոր կլինի այն դեպքում, երբ Վրաստանում հանդարտվեն ռուսատյաց կրքերն ու իրավիճակը կարգավորվի:
Ինչպես հայտնում է tass.ru-ն, այս մասին հայտարարել է ՌԴ նախագահի մամուլի խոսնակ Դմիտրի Պեսկովը:
Նա ընդգծել է, որ նախագահ Վլադիմիր Պուտինի՝ հուլիսի 8-ից ՌԴ-ից դեպի Վրաստան ավիափոխադրումների դադարեցման վերաբերյալ հրամանագրում հստակ ժամկետ չի նշվում: Խոսքն այն մասին է, որ Վրաստանում իրավիճակը պետք է վերադառնա ոչ ռուսատյաց հունին:
«Հենց որ նման բան արձանագրվի, հնարավոր կլինի վերանայել ընդունած որոշումը»,-ասել է Պեսկովը: Խոսնակը հավելել է, որ ներկայում իրավիճակը, ընդհակառակը, ավելի է վատանում:
«Այնտեղ ներքաղաքական ճգնաժամի որոշակի նախանշաններ կան: Դա մեր գործը չէ, այլ Վրաստանի ներքին գործն է: Դա մեր գործն է դառնում, երբ իրադարձությունները հակառուսական բնույթ են ստանում: Դա մեզ ստիպում է անհանգստանալ»,-ասել է Կրեմլի ներկայացուցիչը:
Պեսկովը ցավով է արձանագրել, որ ներկայում Վրաստանում տիրում է ռուսատյաց հիստերիա, որն ավելի են թեժացնում ներքին արմատական տարրերը:
Հայտնի է, որ Ռուսաստանի և Վրաստանի հարաբերությունների սրման ֆոնին, Պուտինը ստորագրել է հրամանագիր, որով ռուսական ավիաընկերությունները հուլիսի 8-ից չեն կարողանա չվերթներ իրականացնել դեպի Վրաստան: Հրամանագրում նշվում է, որ սա ժամանակավոր քայլ է, որի նպատակն է ապահովել ՌԴ քաղաքացիների անվտանգությունը: ՌԴ տրանսպորտի նախարարության փոխանցմամբ՝ արգելքը կվերաբերի նաև վրացական ավիաընկերություններին:
Հիշեցնենք, որ թռիչքների դադարեցման որոշումը կայացվել էր Ուղղափառության միջխորհրդարանական վերահաժողովի նիստի շուրջ ծագած սանդալի ֆոնին: Վրացիներին զայրացրել էր այն փաստը, որ ռուսական պատվիրակության ղեկավար, նիստը նախագահող պատգամավոր Սերգեյ Գավրիլովը զբաղեցրել էր Վրաստանի խորհրդարանի խոսնակի աթոռը: Դրանից հետո Թբիլիսիում զանգվածային բողոքի ցույցեր են սկսվել՝ ուղեկցվելով ոստիկանության հետ բախումներով: Ռուսական պատվիրակությունը ստիպված է եղել լքել երկիրը:
ՌԴ իշխանություններն իրենց քաղաքացիներին կոչ են արել մինչև հուլիսի 8-ը լքել Վրաստանը, սակայն եթե դա տեղի չունենա, ռուսական ավիաընկերությունները պատրաստ են ՌԴ քաղաքացիներին տեղափոխել Հայաստանի և Հյուսիսային Օսիայի օդանավակայաններով:
Հայտնի է, որ լարված իրավիճակի ֆոնին ռուս զբոսաշրջիկները զանգվածաբար հետ են վերադարձնում դեպի Վրաստան տոմսերը:
Հայաստանում կենսաթոշակառուների համար նոր հնարավորություններ են բացվում
Շիրակցի դպրոցականները մեկնել են ամառային հանգստի՝ դեպի «Արագած» ճամբար
Իսպանիայի ընտրանու հարձակվողը վնասվածք ունի
Երևանում մի քանի փողոցներում կփոխվի երթևեկության կազմակերպումը
Անտարկտիդայում հայտնաբերված առաջին դինոզավրի ոսկորը գտել են դարակում
Գալուզինը կասկածի տակ է դնում եվրոպական շուկաների՝ Հայաստանի համար այլընտրանք լինելը
Մեծացել է ռուբլու առքի և վաճառքի տարբերությունը․ ի՞նչ վտանգներ կան բանկային համակարգի համար
Ոստիկանության գվարդիայի ծառայողներն ու համայնքային ոստիկանները թմրամիջոց պահելու դեպքեր են բացահայտե...
Արարատի մարզ Քաղցրաշեն գյուղում կաթնամթերքի արտադրամասի գործունեություն է կասեցվել
Թուրքիան արձագանքել է Իսրայելի կառավարության կողմից Հայոց ցեղասպանությունը ճանաչող բանաձևի հաստատման...