РИА Новости-ն մանրամասներ է պարզել երկտողի հետ կապված դրվագից, որի համար Պուտինն ամաչում է մինչ օրս
Կորցրած երկտողի պատմությունը, որի մասին ՌԴ նախագահ Վլադիմիր Պուտինը պատմել է հունիսի 20-ին կայացած ուղիղ կապի ժամանակ, տեղի է ունեցել Սիկտիվկարում 2010 թվականին:
Ինչպես հայտնում է РИА Новости-ն, այն ժամանակ երկրի ղեկավարին սպասող երկու կին նմանատիպ երկտողեր են գրել: Նրանցից մեկին հաջողվել է թիկնազորի միջով հասնել նախագահին և փոխանցել գրությունը, որի կորուստի մասին էլ պատմել է Պուտինն ուղիղ եթերում:
Այս մասին գործակալությանը տեղեկացրել է մյուս կնոջ ամուսինը՝ Վլադիմիր Շչերբինը: Վերջինիս խոսքով՝ իր կինը՝ Ելենան, որը ներկայում աշխատում է Կոմի Հանրապետության հասարակական պալատում, երկտողը փոխանցած կնոջ՝ Վալենտինայի հետ ծանոթացել է հենց նախագահին սպասելիս:
«Կինս ողջ օրն անցկացրել է հուսալով, որ կհանդիպի Վլադիմիր Վլադիմիրովիչին: Հրապարակում նա ծանոթացել է Վալենտինա անունով կնոջ հետ: Ես մոտավոր հիշում եմ նրա խնդրի առարկան: Խոսքը նրա որդուն էր վերաբերում, որին, կնոջ կարծիքով, անօրինաբար դատապարտել էին: Նրանք նույն երկտողն էին գրել և պայմանավորվել փոխանցել այն նախագահին, եթե հաջողվի մոտենալ նրան», - ասել է տղամարդը:
Պուտինն ուղիղ կապի ժամանակ պատասխանել էր հարցին, թե ինչի համար է ամաչում՝ հիշելով այդ երկտողի մասին և նշելով, որ ամաչում է այն կորցնելու համար:
Հայաստանում կենսաթոշակառուների համար նոր հնարավորություններ են բացվում
Շիրակցի դպրոցականները մեկնել են ամառային հանգստի՝ դեպի «Արագած» ճամբար
Իսպանիայի ընտրանու հարձակվողը վնասվածք ունի
Երևանում մի քանի փողոցներում կփոխվի երթևեկության կազմակերպումը
Անտարկտիդայում հայտնաբերված առաջին դինոզավրի ոսկորը գտել են դարակում
Գալուզինը կասկածի տակ է դնում եվրոպական շուկաների՝ Հայաստանի համար այլընտրանք լինելը
Մեծացել է ռուբլու առքի և վաճառքի տարբերությունը․ ի՞նչ վտանգներ կան բանկային համակարգի համար
Ոստիկանության գվարդիայի ծառայողներն ու համայնքային ոստիկանները թմրամիջոց պահելու դեպքեր են բացահայտե...
Արարատի մարզ Քաղցրաշեն գյուղում կաթնամթերքի արտադրամասի գործունեություն է կասեցվել
Թուրքիան արձագանքել է Իսրայելի կառավարության կողմից Հայոց ցեղասպանությունը ճանաչող բանաձևի հաստատման...