Ռադայի պատգամավորը հայտնել է, որ Զելենսկիի թիմը նախապատրաստվում է Պուտինի հետ հանդիպման
Վլադիմիր Զելենսկիի թիմը նախապատրաստական աշխատանքներ է իրականացնում Ռուսաստանի նախագահ Վլադիմիր Պուտինի հետ հանդիպման նպատակով: Այդ մասին «112 Ուկրաինա» հեռուստաալիքի եթերում հայտարարել է Ուկրաինայի Գերագույն Ռադայի պատգամավոր Միխայիլ Պոպլավսկին, հաղորդում է РИА Новости-ն:
Աղբյուրի փոխանցմամբ՝ նա նշել է, որ հանդիպման ընթացքում Զելենսկիին հայտարարելու է, որ Ղրիմը և Դոնբասը պատկանում են Ուկրաինային:
«Իմ տեղեկությունների համաձայն՝ նախագահի թիմը պատրաստվում է, քանի որ անհրաժեշտ է կոնկրետ արդյունքներ ապահովել: Միայն հանդիպելը բավարար չէ, մենք պետք է առաջարկություններ ներկայացնենք, համաձայնության գանք դիվանագիտական խողովակներով, իսկ հետո արդեն երկու երկրների նախագահները պետք է որոշումներ կայացնեն»,- ասաց Պոպլավսկին:
Բացի այդ, նա ավելացրել է, որ Զելենսկին հասկանում է Դոնբասում զինադադարի հաստատման ուղղությամբ իր պատմական առաքելությունը և գիտակցում է, որ այդ հարցը պետք է անմիջապես լուծել Ռուսաստանի նախագահի հետ:
«Սա ողբերգություն է, և մենք արդեն 5 տարի չենք կարողանում դուրս գալ այս իրավիճակից, այսօր մենք պետք է այդ հարցը լուծենք անմիջապես Վլադիմիր Պուտինի հետ՝ քաղաքական, իրավական և դիվանագիտական առումով, ոչ թե ռազմական»,- նշել է պատգամավորը:
Հայաստանում կենսաթոշակառուների համար նոր հնարավորություններ են բացվում
Շիրակցի դպրոցականները մեկնել են ամառային հանգստի՝ դեպի «Արագած» ճամբար
Իսպանիայի ընտրանու հարձակվողը վնասվածք ունի
Երևանում մի քանի փողոցներում կփոխվի երթևեկության կազմակերպումը
Անտարկտիդայում հայտնաբերված առաջին դինոզավրի ոսկորը գտել են դարակում
Գալուզինը կասկածի տակ է դնում եվրոպական շուկաների՝ Հայաստանի համար այլընտրանք լինելը
Մեծացել է ռուբլու առքի և վաճառքի տարբերությունը․ ի՞նչ վտանգներ կան բանկային համակարգի համար
Ոստիկանության գվարդիայի ծառայողներն ու համայնքային ոստիկանները թմրամիջոց պահելու դեպքեր են բացահայտե...
Արարատի մարզ Քաղցրաշեն գյուղում կաթնամթերքի արտադրամասի գործունեություն է կասեցվել
Թուրքիան արձագանքել է Իսրայելի կառավարության կողմից Հայոց ցեղասպանությունը ճանաչող բանաձևի հաստատման...