Թրամփի առանձնատունը գնել է արտասահմանցի միլիարդատեր, ինչը հակասում է ԱՄՆ Սահմանադրությանը
Ամերիկյան լրատվամիջոցներում մանրամասներ են հայտնվել Բեւերլի Հիլզում առանձնատան վաճառքի մասին, որը ԱՄՆ նախագահ Դոնալդ Թրամփի հիմնական ընկերության՝ Trump Organization-ի սեփականությունն է, հայտնում է Fox News-ը:
Գնորդը արտասահմանյան կորպորատիվ ձեռնարկություն է, որը կապված է ինդոնեզիացի միլիարդատեր՝ Դոնալդ Թրամփի գործընկերոջ հետ: Առանձնատան համար վճարել են 13,5 մլն դոլար, ինչը գրեթե կրկնակի ավելի է գնից, որով 2007 թվականին Թրամփի ընկերությունը այն ձեռք էր բերել:
Washington Post-ը հայտնում է, որ միայն անցյալ տարի Լոս Անջելեսի շրջանի դատարանը տան արժեքը երկրորդ անգամ գնահատել էր 8,3 մլն դոլար, եւ այս գումարը բավականին հեռու է այն գնից, որով առանձնատունը վաճառվել է:
Գնորդը Հերի Տանոեսոեդիբհոն է, որը լրատվամիջոցների ոլորտում միլիարդատեր է եւ 2014 թվականին առաջադրվել է Ինդոնեզիայի փոխնախագահի պաշտոնում: Նշվում է, որ նա Թրամփի հետ զբաղվել է ինդոնեզիական 2 նախագծով՝ Բալիում հանգստավայրի եւ Արեւմտյան Ճավայում գոլֆի դաշտի, հայտնում է The Post-ը: Տանոեսոեդիբհոն 2017 թվականին մասնակցել է նաեւ Թրամփի երդմնակալությանը եւ լուսանկարվել է Էրիկ ու Լառա Թրամփների հետ:
Էրիկ Թրամփն ասել է, որ հոր նախագահական գործունեության եւ իրենց ժամանակացույցի ծանրաբեռնվածության պատճառով վերջին տարիներին ընտանիքը հազվադեպ էր գալիս այս առանձնատուն, եւ արդյունքում իրենք խելամիտ են համարել այն վաճառել:
Ներկայումս հենց Էրիկ եւ Դոնալդ Թրամփ կրտսերն են զբաղվում հոր բիզնեսով:
Լրատվամիջոցները նշում են, որ ԱՄՆ Սահմանադրության համաձայն՝ նախագահին արգելվում է արտասահմանցի քաղաքական գործիչներից նվերներ կամ գումար ստանալ, եւ Թրամփի բիզնեսից հեռանալու հրաժարվելը կարող էր խնդիր դառնալ, կարծում են էթիկայի փորձագետները:
Ներկայումս ԱՄՆ նախագահը արդեն ներգրավված է 2 դատավարության, որոնցով նրան մեղադրում են պետության ղեկավարի աշխատավարձի դրույթի խախտման մեջ:
Շիրակցի դպրոցականները մեկնել են ամառային հանգստի՝ դեպի «Արագած» ճամբար
Հայաստանում կենսաթոշակառուների համար նոր հնարավորություններ են բացվում
Իսպանիայի ընտրանու հարձակվողը վնասվածք ունի
Երևանում մի քանի փողոցներում կփոխվի երթևեկության կազմակերպումը
Անտարկտիդայում հայտնաբերված առաջին դինոզավրի ոսկորը գտել են դարակում
Գալուզինը կասկածի տակ է դնում եվրոպական շուկաների՝ Հայաստանի համար այլընտրանք լինելը
Ոստիկանության գվարդիայի ծառայողներն ու համայնքային ոստիկանները թմրամիջոց պահելու դեպքեր են բացահայտե...
Մեծացել է ռուբլու առքի և վաճառքի տարբերությունը․ ի՞նչ վտանգներ կան բանկային համակարգի համար
Արարատի մարզ Քաղցրաշեն գյուղում կաթնամթերքի արտադրամասի գործունեություն է կասեցվել
Թուրքիան արձագանքել է Իսրայելի կառավարության կողմից Հայոց ցեղասպանությունը ճանաչող բանաձևի հաստատման...