Թոռը որոշել է թարմացնել 84-ամյա պապի զգեստապահարանը եւ նրան Instagram-ի աստղ է դարձրել (լուսանկարներ)

Ճապոնացի 84-ամյա պապիկը համացանցում նորաձևության «թելադրողներից» է դարձել, երբ նրա թոռնիկը որոշել է թարմացնել պապի զգեստապահարանը:

Ինչպես ներկայացնում է Boredpanda.com-ը, Տեցույա անունով քիմիայի նախկին ուսուցիչը մեծ հայտնիություն է ձեռք բերել համացանցում, երբ նրա թոռը՝ Նաոյա Կուդոն, իր տուն է ժամանել մեկշաբաթյա արձակուրդներ անցկացնելու համար:

Պապ ու թոռ զվարճալի ժամանակ են անցկացրել տարատեսակ հանդերձանքներ փորձելով: Տղան նաև լուսանկարել է պապին տարբեր կերպարներով, որոնք ինքն այնքան է հավանել, որ որոշել է կիսվել Instagram-ում: Արդյունքում պապիկն արդեն 88 000 հետևորդ է ձեռք բերել: