ԱՄՆ-ը մտադիր է Ասանժին նոր մեղադրանքներ ներկայացնել
ԱՄՆ արդարադատության նախարարությունը պատրաստել է նոր մեղադրանքներ WikiLeaks-ի հիմնադիր Ջուլիան Ասանժի դեմ, տեղեկացնում է ՏԱՍՍ-ը։
«Միացյալ Նահանգների արդարադատության նախարարությունը պատրաստվում է նոր մեղադրանեներ ներկայացնել WikiLeaks-ի հիմնադիր Ջուլիան Ասանժին մինչես նրա արտահանձնման հարցի քննարկման ավարտը՝ հունիսի 14-ը»,- ասվում է կազմակերպության հայտարարությունում։
Նշվում է, որ մեղադրանքը կներկայացվի ՀԴԲ վարձած իրազեկիչի՝ Սիգուրդուր Թորդարսոնի ցուցմունքների հիման վրա, որը բանտարկվել է փաստաթղթերի կեղծման, բազմաթիվ խարդախությունների եւ մանկապղծության համար։ Թորդորսոնը փորձել է Ասանժի անունով 2010-ին ռուսաստանյան վիզա ստանալ։
Ինչպես նշել են WikiLeaks-ում՝ հղում կատարելով նիդեռլանդական ԶԼՄ-ներին, մայիսի 6-ին ՀԴԲ հատուկ գործակալ Մեգան Բրաունը, որը զբաղվում է Ասանժի գործի հետաքննությամբ, մեկնել է Իսպանիա, որպեսզի հարցաքննի Թորդորսոնին։ Մայիսի 27-ից մինչեւ հունիսի 1-ը, կազմակերպության տվյալներով, ամերիկյան իշխանությունները «հանգամանալից հարցաքննել» են Վաշինգտոնում դատապարտվածին՝ Ասանժին նոր մեղադրանք ներկայացնելու նպատակով։
Ավելի վաղ WikiLeaks-ը Twitter-ում տեղեկացրել էր հունիսի 14-ին ԱՄՆ արտահանձնման մասին դատական լսումները տեղափոխելու մասին, որոնք պետք է տեղի ունենային հունիսի 12-ին։ Դրանք կկայանան Լոնդոնի Բելմարշ մագիստրական դատարանում։
Մայիսի 30-ին WikiLeaks-ը տեղեկացրել էր, որ Ասանժը տեղափոխվել է Բելմարշ բանտի հիվանդանոց առողջական վիճակի վատանալու պատճառով։ Դատական լսումները Ասանժին արտահանձնելու մասին պետք է տեղի ունենային Լոնդոնում այդ նույն օրը, բայց տեղափոխվել են հունիսի 12 ավստրալացու վատ ինքնազգացողության պատճառով։ Կտտանքների գծով ՄԱԿ հատուկ զեկուցող Նիլս Մելցերը հայտարարել է, որ Ասանժը մի քանի տարի Միացյալ Թագավորությունում ենթարկվել է հոգեբանական կտտանքների, ինչպես նաեւ մեղադրել է այդ երկիրը ԱՄՆ-ի ու Շվեդիայի հետ միասին այն բանում, որ նրանք համատեղ նրա դեմ կազմակերպել են վախեցնելու եւ զրպարտելու արշավ։
Շիրակցի դպրոցականները մեկնել են ամառային հանգստի՝ դեպի «Արագած» ճամբար
Հայաստանում կենսաթոշակառուների համար նոր հնարավորություններ են բացվում
Իսպանիայի ընտրանու հարձակվողը վնասվածք ունի
Երևանում մի քանի փողոցներում կփոխվի երթևեկության կազմակերպումը
Անտարկտիդայում հայտնաբերված առաջին դինոզավրի ոսկորը գտել են դարակում
Գալուզինը կասկածի տակ է դնում եվրոպական շուկաների՝ Հայաստանի համար այլընտրանք լինելը
Ոստիկանության գվարդիայի ծառայողներն ու համայնքային ոստիկանները թմրամիջոց պահելու դեպքեր են բացահայտե...
Մեծացել է ռուբլու առքի և վաճառքի տարբերությունը․ ի՞նչ վտանգներ կան բանկային համակարգի համար
Արարատի մարզ Քաղցրաշեն գյուղում կաթնամթերքի արտադրամասի գործունեություն է կասեցվել
Թուրքիան արձագանքել է Իսրայելի կառավարության կողմից Հայոց ցեղասպանությունը ճանաչող բանաձևի հաստատման...