Ֆրանսիան մեծացնում է զենքի արտահանումը
2018 թվականին ֆրանսիական սպառազինության արտահանման գումարը 2017-ի համեմատությամբ 30 տոկոսով աճել է: Այս մասին իր ամենամյա զեկույցում հայտնել է երկրի պաշտպանության նախարարությունը: 2018 թվականին Ֆրանսիան վաճառել է ավելի քան 9 մլրդ եվրոյի զենք: Պաշտպանության նախարար Ֆլորանս Պարլիի խոսքով՝ «վերջին 20 տարում սա լավագույն ցուցանիշներից մեկն է»: Նա «ողջունել է վաճառքի վերակողմնորոշումը»՝ շեշտելով, որ 2018-ին «եվրոպացի գործընկերներին» ֆրանսիական զենքի մատակարարումները կազմել են 25 տոկոս, այլ ոչ թե 10 տոկոս, ինչպես անցյալ տարիներին, փոխանցում է Euronews-ը:
Սակայն Ֆրանսիայից զենքի գլխավոր ներմուծող են շարունակում մնալ Հնդկաստանը, Սաուդյան Արաբիան եւ Կատարը: Եմենում ռազմական հակամարտությանը մասնակցող Սաուդյան Արաբիան անցյալ տարի 50 տոկոսով մեծացրել է ֆրանսիական ռազմական տեխնիկայի գնումները: Իսկ Կատարը պատվիրել է Rafale կործանիչներ եւ NH90 բազմանպատակային ուղղաթիռներ՝ մոտ 2,4 մլրդ եվրո ընդհանուր գումարով:
Ֆրանսիայի կառավարությունը հայտարարում է, որ իր զենքի վաճառքը կարգավորվում է խիստ ընթացակարգերով, որոնք համապատասխանում են միջազգային պայմանագրերին: Պաշտպանության նախարարության զեկույցում նշվում է երաշխիքներ ստանալու մասին, որ Սաուդյան Արաբիային եւ Արաբական Միացյալ Էմիրություններին վաճառվող զենքը չի օգտագործվի Եմենի հակամարտությունում խաղաղ բնակիչների դեմ:
Սակայն հասարակական կազմակերպությունները բազմիցս հանդես են եկել Փարիզի քննադատությամբ՝ նշելով, որ նրա զենքից զոհվում են խաղաղ եմենցիներ, եւ կառավարությանը կոչ են անում դադարեցնել արաբական պետություններին աջակցությունը:
Շիրակցի դպրոցականները մեկնել են ամառային հանգստի՝ դեպի «Արագած» ճամբար
Հայաստանում կենսաթոշակառուների համար նոր հնարավորություններ են բացվում
Իսպանիայի ընտրանու հարձակվողը վնասվածք ունի
Երևանում մի քանի փողոցներում կփոխվի երթևեկության կազմակերպումը
Անտարկտիդայում հայտնաբերված առաջին դինոզավրի ոսկորը գտել են դարակում
Գալուզինը կասկածի տակ է դնում եվրոպական շուկաների՝ Հայաստանի համար այլընտրանք լինելը
Ոստիկանության գվարդիայի ծառայողներն ու համայնքային ոստիկանները թմրամիջոց պահելու դեպքեր են բացահայտե...
Մեծացել է ռուբլու առքի և վաճառքի տարբերությունը․ ի՞նչ վտանգներ կան բանկային համակարգի համար
Արարատի մարզ Քաղցրաշեն գյուղում կաթնամթերքի արտադրամասի գործունեություն է կասեցվել
Թուրքիան արձագանքել է Իսրայելի կառավարության կողմից Հայոց ցեղասպանությունը ճանաչող բանաձևի հաստատման...