Թրամփը հայտարարել է, որ հիացած չէ Իսրայելում տիրող քաղաքական իրավիճակով
Միացյալ Նահանգների նախագահ Դոնալդ Թրամփը հայտարարել է, որ հիացած չէ Իսրայելում տիրող քաղաքական իրավիճակով, հայտնում է Associated Press-ը:
Նա հավելել է, որ Իսրայելին հարկավոր է «միավորել ջանքերը»:
Թրամփն ընդգծել է նաև, որ մերձարևելյան կարգավորման վերաբերյալ ամերիկյան ծրագիրը «լավ շանսեր ունի»:
Հիշեցնենք, որ Իսրայելի Քնեսեթը (խորհրդարանը) ձայների մեծամասնությամբ հավանություն է տվել խորհրդարանի ինքնալուծարման մասին օրինագծին և Իսրայելի պատմության մեջ առաջին անգամ ընտրությունները կրկնելու որոշում է կայացրել:
Մայիսի 29-ի կեսգիշերին ավարտվել է ապրիլի 9-ին կայացած խորհրդարանական ընտրություններից հետո Իսրայելի վարչապետին կոալիցիա կազմելու համար տրված 42-օրյա ժամկետը: Բենյամին Նեթանյահուին այդպես էլ չի հաջողվել համաձայնության գալ քաղաքական մյուս ուժերի հետ: Վերջին քննարկումները տեղի են ունեցել քվեարկությունից մեկ ժամ առաջ:
Ինչ վերաբերում է ԱՄՆ-ի կողմից իսրայելա-պաղեստինյան հակամարտության կարգավորմանն ուղղված «դարի գործարքին», ապա ծրագիրը Երուսաղեմը ճանաչում է որպես Իսրայելի մայրաքաղաք՝ չնայած, որ Պաղեստինը հույս ունի ապագայում անկախ պետություն ստեղծել և Երուսաղեմի կեսը դրա մայրաքաղաք հռչակել: Բացի այդ, ծրագիրը չի ենթադրում երկու առանձին պետությունների ստեղծման ձևաչափով հակամարտության լուծում:
Պաղեստինի իշխանություններն արդեն հայտնել են, որ չեն պատրաստվում ընդունել ԱՄՆ նախագահ Դոնալդ Թրամփի առաջարկը, քանի որ նա ակնհայտ իսրայելամետ է, նախկինում դեսպանատունը Թել Ավիվից Երուսաղեմ տեղափոխելու որոշում է կայացրել՝ հայտարարելով, որ Երուսաղեմը ճանաչում է Իսրայելի միասնական մայրաքաղաք:
Հայաստանում կենսաթոշակառուների համար նոր հնարավորություններ են բացվում
Շիրակցի դպրոցականները մեկնել են ամառային հանգստի՝ դեպի «Արագած» ճամբար
Իսպանիայի ընտրանու հարձակվողը վնասվածք ունի
Երևանում մի քանի փողոցներում կփոխվի երթևեկության կազմակերպումը
Անտարկտիդայում հայտնաբերված առաջին դինոզավրի ոսկորը գտել են դարակում
Գալուզինը կասկածի տակ է դնում եվրոպական շուկաների՝ Հայաստանի համար այլընտրանք լինելը
Մեծացել է ռուբլու առքի և վաճառքի տարբերությունը․ ի՞նչ վտանգներ կան բանկային համակարգի համար
Արարատի մարզ Քաղցրաշեն գյուղում կաթնամթերքի արտադրամասի գործունեություն է կասեցվել
Ոստիկանության գվարդիայի ծառայողներն ու համայնքային ոստիկանները թմրամիջոց պահելու դեպքեր են բացահայտե...
Թուրքիան արձագանքել է Իսրայելի կառավարության կողմից Հայոց ցեղասպանությունը ճանաչող բանաձևի հաստատման...