«Եթե Իրանը զսպվի, Ասադն օրինական նախագահ կճանաչվի». ԱՄՆ-ն և Իսրայելը մտադիր են Ռուսաստանին Սիրիայի հարցով առաջարկ անել. լրատվամիջոցներ
Միացյալ Նահանգներն ու Իսրայելը մտադիր են Երուսաղեմում կայանալիք եռակողմ հանդիպման ժամանակ Ռուսաստանին սիրիական հակամարտության կարգավորման հարցով առաջարկ անել, որը կենթադրի՝ Մոսկվայի աջակցությունը վայելող Սիրիայի նախագահ Բաշար ալ Ասադի օրինական իշխանության ճանաչում, սիրիական իշխանությունների նկատմամբ սահմանված պատժամիջոցների չեղարկում, ինչի դիմաց ՌԴ-ն պետք է զսպի այդ երկրում Իրանի ազդեցությունը:
Ինչպես նշում է ria.ru-ն, այս մասին գրում է արաբական Asharq Al-Awsat պորտալը՝ վկայակոչելով արևմտյան դիվանագիտական աղբյուրների:
«Կողմերը կքննարկեն «ճանապարհային քարտեզը», որի շրջանակում ԱՄՆ-ն և դաշնակիցները Մոսկվային Սիրիայի հարցով առաջարկներ կանեն, օրինակ՝ երկրի վերականգնում, նախագահ Բաշար ալ Ասադի օրինական իշխանության ճանաչում, պատժամիջոցների չեղարկում, ինչի փոխարեն Ռուսաստանը պետք է հանձնառություն ստանձնի այդ երկրում Իրանի դերը զսպելու հետ կապված հստակ գործողությունների իրականացման գործում»,-հայտնել են աղբյուրները:
The Times of Israel-ը հավելում է, որ եռակողմ հանդիպումը կայանալու է հունիսի վերջին: ՌԴ Անվտանգության խորհրդի քարտուղար Նիկոլայ Պատրուշևը, ԱՄՆ նախագահի ազգային անվտանգության հարցերով խորհրդական Ջոն Բոլթոնն ու Իսրայելի Ազգային անվտանգության խորհրդի նախագահ Մեիր Բեն Շաբաթը մտադիր են տարածաշրջանային անվտանգությանն առնչվող հարցեր քննարկել: Սակայն քննարկվելիք թեմաների շարքում առանցքային է լինելու տարածաշրջանում Իրանի՝ վերջին շրջանում նկատվող դիրքի ամրապնդումը:
Նշվում է, որ Մոսկվան պաշտոնական Դամասկոսի և Թեհրանի մերձավոր դաշնակիցն է, մինչդեռ Իսրայելն ու ԱՄՆ-ն իսլամական պետության թշնամիներն են: Իսրայելը փորձում է կանխել իր սահմանների մոտ՝ Սիրիայում, թշնամական պետության դիրքերի ամրապնդումը:
Հայաստանում կենսաթոշակառուների համար նոր հնարավորություններ են բացվում
Շիրակցի դպրոցականները մեկնել են ամառային հանգստի՝ դեպի «Արագած» ճամբար
Իսպանիայի ընտրանու հարձակվողը վնասվածք ունի
Երևանում մի քանի փողոցներում կփոխվի երթևեկության կազմակերպումը
Անտարկտիդայում հայտնաբերված առաջին դինոզավրի ոսկորը գտել են դարակում
Գալուզինը կասկածի տակ է դնում եվրոպական շուկաների՝ Հայաստանի համար այլընտրանք լինելը
Մեծացել է ռուբլու առքի և վաճառքի տարբերությունը․ ի՞նչ վտանգներ կան բանկային համակարգի համար
Արարատի մարզ Քաղցրաշեն գյուղում կաթնամթերքի արտադրամասի գործունեություն է կասեցվել
Ոստիկանության գվարդիայի ծառայողներն ու համայնքային ոստիկանները թմրամիջոց պահելու դեպքեր են բացահայտե...
Թուրքիան արձագանքել է Իսրայելի կառավարության կողմից Հայոց ցեղասպանությունը ճանաչող բանաձևի հաստատման...