«Իբիցայի սկանդալը վնաս է հասցրել Ավստրիայի բարի համբավին»
Ավստրիայի նախագահ Ալեքսանդեր վան դեր Բելենն այսօր ի պաշտոնե ընդունել է վարչապետ, Ժողովրդական կուսակցության ղեկավար Սեբաստիան Կուրցի կառավարության հրաժարականը, որը տեղի է ունեցել քաղաքական սկանդալի արդյունքում:
«Այսօր ես ազատում եմ կառավարության անդամներին նրանց պարտավորություններից և հանձնարարում եմ միառժամանակ շարունակել աշխատանքը: Մենք արդեն ունենք նման փորձ», - ասել է նախագահը:
Ավստրիայում սկանդալի առիթ է դարձել մի տեսագրություն, ըստ որի՝ փոխվարչապետ, «Ազատություն» ազգայնական կուսակցության ղեկավար Հայնց-Քրիստիան Շտրախեն Իբիցայում արձակուրդում գտնվելիս ռուս օլիգարխի միջնորդ հանդիսացող մի կնոջ հետ զրույցում առաջարկել է շահավետ գործարք՝ կուսակցության ֆոնդին ֆինանսական աջակցություն տրամադրելու դիմաց:
Տեսագրության հրապարակումը մեծ սկանդալ և բողոքի զանգվածային ակցիաներ է հարուցել:
Շտրախեն անմիջապես հրաժարական է ներկայացրել փոխվարչապետի և «Ազատություն» կուսակցության ղեկավարի պաշտոնից, սակայն ընդդիմադիր սոցիալ-դեմոկրատները խորհրդարանում արծարծել են կառավարությանն անվստահություն հայտնելու հարցը:
Երեկ խորհրդարանը քվեարկությամբ անվստահություն է հայտնել կառավարությանը և պաշտոնանկ է արել Կուրցին, ով դեռ քվեարկությունից առաջ հայտարարել է, որ չի բողոքարկի խորհրդարանի որոշումը:
«Ուզում եմ անդրադառնալ այդ տհաճ տեսագրությանը, Իբիցա՝ այդպես են այդ անունն արտասանում, չէ՞: Այն առհավետ մտավ մեր հիշողության մեջ, ոչ միայն այստեղ, այլև արտասահմանում: Դա մի հանգամանք է, որը մեծ վնաս է հասցրել մեր երկրի բարի համբավին, ստեղծել է տպավորություն, որը, ես համոզված եմ, ոչ մի կապ չունի Ավստրիայի իրական պատկերի հետ», - ասել է նախագահը:
Նախագահի որոշմամբ վարչապետի պաշտոնակատար է նշանակվել փոխվարչապետ Հարթվիգ Լյոգերը:
Շիրակցի դպրոցականները մեկնել են ամառային հանգստի՝ դեպի «Արագած» ճամբար
Հայաստանում կենսաթոշակառուների համար նոր հնարավորություններ են բացվում
Իսպանիայի ընտրանու հարձակվողը վնասվածք ունի
Երևանում մի քանի փողոցներում կփոխվի երթևեկության կազմակերպումը
Անտարկտիդայում հայտնաբերված առաջին դինոզավրի ոսկորը գտել են դարակում
Գալուզինը կասկածի տակ է դնում եվրոպական շուկաների՝ Հայաստանի համար այլընտրանք լինելը
Ոստիկանության գվարդիայի ծառայողներն ու համայնքային ոստիկանները թմրամիջոց պահելու դեպքեր են բացահայտե...
Մեծացել է ռուբլու առքի և վաճառքի տարբերությունը․ ի՞նչ վտանգներ կան բանկային համակարգի համար
Արարատի մարզ Քաղցրաշեն գյուղում կաթնամթերքի արտադրամասի գործունեություն է կասեցվել
Թուրքիան արձագանքել է Իսրայելի կառավարության կողմից Հայոց ցեղասպանությունը ճանաչող բանաձևի հաստատման...