Սերբիայի բանակը մարտական պատրաստության է բերվել
Սերբիայի բանակը բերվել է մարտական պատրաստության Կոսովոյում ստեղծված լարվածության կապակցությամբ: Այդ մասին հայտնել է Սերբիայի ազգային հեռուստատեսությունը:
Ըստ Բելգրադի, Կոսովոյի հատուկ նշանակության ոստիկանության ստորաբաժանումը նախօրեին ներխուժել է հիմնականում սերբերով բնակեցված ավաններ:
Ի պատասխան` վրդովված սերբերը Կոսովսկա-Միտրովիցայում սկսել են կառուցել բարիկադներ: Զուբին-Պոտոկ գյուղի մոտ տեղի է ունեցել բախում, երկու սերբեր թեթև վնասվածքներ են ստացել:
Կոսովոյի ոստիկանները ձերբակալել են մի խումբ սերբերի, որոնց թվում ոստիկաններ են և քաղաքացիական անձինք: Կոսովոյի իշխանությունները պնդում են, որ նշված սերբերին ձերբակալել են «քրեական ակտիվության և զինված դիմադրության համար»:
Սերբիայի նախագահ Ալեքսանդր Վուչիչն արձակել է բանակը մարտական պատրաստության բերելու հրաման և հայտարարել է, որ Բելգրադը թույլ չի տա բռնություններ Կոսովոյի սերբերի նկատմամբ:
Սերբիայի կառավարության խոսնակ Մարկո Դյուրիչն ասել է, որ Կոսովոյի նպատակն է «ահաբեկել այդ երկրամասում ապրող սերբերին և ստիպել նրանց հեռանալ տներից»:
Նա հայտարարել է նաև, որ «Կոսովոյի իշխանությունների գործողություններն ուղղակի սպառնալիք են խաղաղության գհործընթացին»:
Սերբիան 1999 թվականին ՆԱՏՕ-ի օդային հարվածներից հետո կորցրել է հսկողությունը Կոսովոյի նկատմամբ և չի ճանաչում 2008-ին Կոսովոյի հռչակած անկախությունը:
Շիրակցի դպրոցականները մեկնել են ամառային հանգստի՝ դեպի «Արագած» ճամբար
Հայաստանում կենսաթոշակառուների համար նոր հնարավորություններ են բացվում
Իսպանիայի ընտրանու հարձակվողը վնասվածք ունի
Երևանում մի քանի փողոցներում կփոխվի երթևեկության կազմակերպումը
Անտարկտիդայում հայտնաբերված առաջին դինոզավրի ոսկորը գտել են դարակում
Գալուզինը կասկածի տակ է դնում եվրոպական շուկաների՝ Հայաստանի համար այլընտրանք լինելը
Ոստիկանության գվարդիայի ծառայողներն ու համայնքային ոստիկանները թմրամիջոց պահելու դեպքեր են բացահայտե...
Մեծացել է ռուբլու առքի և վաճառքի տարբերությունը․ ի՞նչ վտանգներ կան բանկային համակարգի համար
Արարատի մարզ Քաղցրաշեն գյուղում կաթնամթերքի արտադրամասի գործունեություն է կասեցվել
Թուրքիան արձագանքել է Իսրայելի կառավարության կողմից Հայոց ցեղասպանությունը ճանաչող բանաձևի հաստատման...