Հայաստանը և Ուրուգվայը նշում են դիվանագիտական հարաբերությունների հաստատման 27-ամյակը
Հայաստանի արտաքին գործերի նախարարությունը և Ուրուգվայի արտաքին հարաբերությունների նախարարությունը հրապարակել են մամլո հաղորդագրություններ երկու երկրների միջև դիվանագիտական հարաբերությունների հաստատման 27-ամյակի առթիվ։
Հայաստանի արտաքին քաղաքական գերատեսչության հաղորդագրությունում ասված է․
«Մայիսի 27-ին լրանում է Հայաստանի և Ուրուգվայի միջև դիվանագիտական հարաբերությունների հաստատման 27-ամյակը:
Անցած տարիների ընթացքում փոխադարձ հարգանքի և համակրանքի հիման վրա երկու պետությունների և ժողովուրդների միջև հաստատվել են ջերմ բարեկամության և սերտ համագործակցության կապեր: Երևանում Ուրուգվայի գլխավոր հյուպատոսության հիմնումը նոր խթան կհանդիսանա երկկողմ հարաբերությունների զարգացման գործում։
Գոհունակությամբ պետք է նշել, որ հայ-ուրուգվայական հարաբերություններում կարևոր դերակատարություն ունի հայ համայնքը, որը հաստատվել է Ուրուգվայում Մեծ Եղեռնից հետո: Ցեղասպանության ճանաչման գործընթացում Ուրուգվայը ստանձնեց առաջամարտիկի դերը՝ օրինակ ծառայելով ամբողջ աշխարհին և այդպիսով ցույց տալով իր հավատարմությունը համամարդկային արժեքներին։
Հայաստանը բարձր է գնահատում Ուրուգվայի աջակցությունը Լեռնային Ղարաբաղի հակամարտության խաղաղ կարգավորմանը միտված ԵԱՀԿ Մինսկի խմբի համանախագահների ջանքերին:
ՀՀ արտաքին գործերի նախարարությունը խորին համոզմունք է հայտնում, որ ապագայում Հայաստանի և Ուրուգվայի հարաբերությունները է՛լ ավելի կզարգանան և կամրապնդվեն՝ ի շահ մեր բարեկամ ժողովուրդների»:
Ուրուգվայի արտաքին քաղաքական գերատեսչության հաղորդագրությունում, որը տեղադրված նախարարության պաշտոնական կայքէջում, նշվում է, որ եղբայրական կապերը արմատավորվել են հազարավոր հայերի կարևոր գաղթով 20-րդ դարի սկզբում, որոնք մեծ ներդրում են ունեցել երկրի հասարակական և տնտեսական զարգացման գործում։
«27 տարվա ընթացքում Հայաստանի և Ուրուգվայը ամրապնդել են երկկողմ հարաբերությունները՝ հիմնված փոխադարձ հարգանքի և միջազգային իրավունքի հանդեպ համաձայնեցված քաղաքականության շնորհիվ։
Կարևորելով մարդու իրավունքների պաշտպանությունը և իրավական պետության առկայությունը՝ Ուրուգվայն ու Հայաստանը համաձայն են, որ միջազգային խաղաղությունը և անվտանգությունը պետք է հիմնված լինեն այն սկզբունքների վրա, որոնք են՝ հակամարտությունների խաղաղ կարգավորումը, ուժի կամ ուժի սպառնալիքի բացառումը, պետությունների տարածքային ամբողջականությունը և ժողովուրդների ինքնորոշման իրավունքի ազատ արտահայտումը։
Երևանում վերջերս Ուրուգվայի գլխավոր հյուպատոսության բացումը վկայում է, որ երկու երկիրների միջև կան գերազանց հարաբերություններ, և այն մի քայլ առաջ է՝ ամրապնդելու համար երկու ժողովուրդների միջև բարեկամությունն ու համագործակցությունը», - ասված է Ուրուգվայի արտաքին հարաբերությունների նախարարության հաղորդագրությունում:
Շիրակցի դպրոցականները մեկնել են ամառային հանգստի՝ դեպի «Արագած» ճամբար
Հայաստանում կենսաթոշակառուների համար նոր հնարավորություններ են բացվում
Իսպանիայի ընտրանու հարձակվողը վնասվածք ունի
Երևանում մի քանի փողոցներում կփոխվի երթևեկության կազմակերպումը
Անտարկտիդայում հայտնաբերված առաջին դինոզավրի ոսկորը գտել են դարակում
Գալուզինը կասկածի տակ է դնում եվրոպական շուկաների՝ Հայաստանի համար այլընտրանք լինելը
Ոստիկանության գվարդիայի ծառայողներն ու համայնքային ոստիկանները թմրամիջոց պահելու դեպքեր են բացահայտե...
Մեծացել է ռուբլու առքի և վաճառքի տարբերությունը․ ի՞նչ վտանգներ կան բանկային համակարգի համար
Արարատի մարզ Քաղցրաշեն գյուղում կաթնամթերքի արտադրամասի գործունեություն է կասեցվել
Թուրքիան արձագանքել է Իսրայելի կառավարության կողմից Հայոց ցեղասպանությունը ճանաչող բանաձևի հաստատման...