Նախագահը ստորագրել է Գագիկ Հարությունյանի եղբոր ազատման հրամանագիրը

ՀՀ նախագահ Արմեն Սարգսյանի հրամանագրով ՝ ԲԴԽ նախկին նախագահ Գագիկ Հարությունյանի եղբայրը՝ Արզուման Հարությունյանն ազատվել է Ազգային անվտանգության ծառայության տնօրենի տեղակալի պաշտոնից:

«Հիմք ընդունելով վարչապետի առաջարկությունը՝ համաձայն Սահմանադրության 133-րդ հոդվածի 1-ին մասի, ինչպես նաև «Ազգային անվտանգության մարմինների մասին» օրենքի 4.1-ին հոդվածի 4-րդ մասի և «Ազգային անվտանգության մարմիններում ծառայության մասին» օրենքի 47-րդ հոդվածի 1-ին մասի 2-րդ կետի. Արզուման Հարությունյան ազատել Ազգային անվտանգության ծառայության տնօրենի տեղակալի պաշտոնից»,–ասված է նախագահի հրամանագրում։

Հիշեցնենք որ գեներալ-լեյտենանտ Արզուման Հարությունյանը ՀՀ ԱԱԾ տնօրենի տեղակալ է նշանակվել Վանեցյանի՝ ԱԱԾ տնօրեն նշանակվելուց հետո՝ 2018թ. հունիսի 12–ին ՀՀ նախագահ Արմեն Սարգսյանի հրամանագրով։