Հատուկ գործողությունների արդյունքում 50 երեխա ազատվել է մանկապիղծների ձեռքից

Interpol-ի կողմից տարվող հատուկ գործողությունների արդյունքում 50 երեխա ազատվել է մանկապիղծների ձեռքից: Ինչպես հայտնում է Korrespondent-ը՝ գործողույթուններն իրականացվել են Թաիլանդում, ԱՄՆ-ում ու Ավստրալիայում:

Հաղորդվում է, որ Blackwrist անվանումն ստացած գործողությունը մեկնարկել է դեռևս 2017 թվականին: Դրանից ավելի վաղ համացանցում 60 հազ բաժանորդ ունեցող հարթակ էր հայտնվել, որտեղ տեսանյութեր են տարածվել, որտեղ մանկապիղծները բռնի գործողություններ են իրականացնում մինչև 13 տարեկան տղա երեխաների հանդեպ:

Տեսանյութերում հանցագործները հնարավորինս թաքցրել են երեխաների ինքնությունը և վայրը՝ հատուկ միջոցներով: Հանցագործների հայտնաբերման և երեխաների ազատման գործողությունն այս անվանումն ստացել է հանցագործներից մեկի ապարանջանի պատճառով:
Ներկայում որոնողական աշխատանքները շարունակվում են:

Տեղեկություններ կան, որ դեռևս մոտ 100 մարդ գտնվում է հանցագործների վերահսկողության ներքո:

Ինչ վերաբերում է հանցագործներին՝ Թաիլանդում ձերբակալված կայքի վերահսկողներից Մոնթրի Սալանգամը դատապարտվել է 146 տարվա ազատազրկման՝ երեխաների հանդեպ բռնության և այդ փաստի թաքցման համար, ևս երկուսը դատապարտվել են 36 և 40 տարվա ազատազրկման: