Ավստրալիայում հայտնաբերել են գիտությանն անհայտ միջատների հարյուրավոր տեսակներ
Այս հայտնագործության շնորհիվ երկրում կգործի վայրի բնության հետազոտության նոր ծրագիր:
Ավստրալիայի հյուսիսի միջատները հետազոտող Ստեֆանի Օբերպրիելերը հանգել է այն եզրակացության, որ տարածաշրջանում բնակվում են բզեզների, ճանճերի եւ սարդերի հարյուրավոր տեսակներ, որոնք նախկինում չեն ուսումնասիրվել եւ միջատաբանների կողմից չեն նկարագրվել, հայտնում է ՏԱՍՍ-ը:
«Վայրի բնության հետազոտության ժամանակ հաճախ հիմնական ուշադրությունը կենտրոնացնում են կենդանիների եւ թռչունների վրա, չնայած միջատները ընդհանրապես շրջակա միջավայրի առողջության եւ կայունության գործում վճռորոշ նշանակություն ունեն: Իսկ Ավստրալիայի հյուսիսային շրջանները առավել քիչ ուսումնասիրված վայր են, սա հատկապես վերաբերում է հատուկ պահպանվող գոտիներին՝ «Կակադու» եւ «Նիթմիլուկ» ազգային արգելոցներին, որտեղ միջատների եւ սարդերի շուրջ 75 տոկոսը ընդհանրապես նախկինում երբեք չի հայտնվել գիտնականների տեսադաշտում»,- նշում է Օբերպրիելերը:
Հետազոտողի խոսքով՝ իր հայտնագործությունը առանձնահատուկ նշանակություն ունի հենց հիմա, երբ ամբողջ աշխարհի բնապահպանները նշում են, որ Երկրի վրա միջատները սպառնալից արագությամբ են ոչնչանում: Օբերպրիելերը հիմա իր գլխավոր խնդիրն է համարում Հյուսիսային տարածքի ազգային արգելոցներում միջատների եւ սարդերի ուսումնասիրման ու պաշտպանության ազգային ծրագրի իրականացումը:
Հայաստանում կենսաթոշակառուների համար նոր հնարավորություններ են բացվում
Շիրակցի դպրոցականները մեկնել են ամառային հանգստի՝ դեպի «Արագած» ճամբար
Իսպանիայի ընտրանու հարձակվողը վնասվածք ունի
Երևանում մի քանի փողոցներում կփոխվի երթևեկության կազմակերպումը
Անտարկտիդայում հայտնաբերված առաջին դինոզավրի ոսկորը գտել են դարակում
Արարատի մարզ Քաղցրաշեն գյուղում կաթնամթերքի արտադրամասի գործունեություն է կասեցվել
Գալուզինը կասկածի տակ է դնում եվրոպական շուկաների՝ Հայաստանի համար այլընտրանք լինելը
Ոստիկանության գվարդիայի ծառայողներն ու համայնքային ոստիկանները թմրամիջոց պահելու դեպքեր են բացահայտե...
Մեծացել է ռուբլու առքի և վաճառքի տարբերությունը․ ի՞նչ վտանգներ կան բանկային համակարգի համար
Թուրքիան արձագանքել է Իսրայելի կառավարության կողմից Հայոց ցեղասպանությունը ճանաչող բանաձևի հաստատման...