Վերջերս Ադրբեջանի պաշտպանության նախարարը այցելել է սահման, հայտնվել մեր զինվորների վերահսկողության տակ ու փախուստի դիմել. ԱԱԽ քարտուղար

«Ինչ վերաբերում է Ադրբեջանում արվող հայտարարություններին, կարող եմ ասել մեր զինված ուժերը պատրաստ են և կկարողանան կատարել իրենց առջև դրված բոլոր առաջադրանքները»: Այս մասին լրագրողների հետ զրույցում հայտարարեց Ազգային անվտանգության խորհրդի քարտուղար Արմեն Գրիգորյանը՝ անդրադառնալով դիտարկմանը, թե վերջին օրերին Ադրբեջանում ակտիվացել են խոսակցությունները Շուշին «գրավելու» մասին՝ անգամ ֆելշմոբերով են հանդես գալիս:

«Ֆլեշմոբերի և այլնի մասով իրենց պաշտպանության նախարարը հայտարարել էր, որ ՀՀ պաշտպանության նախարարին կդիմավորի Երևանում և կամ այլ տեղ: Իրականում նա, (Զաքիր Հասանով) այս վերջերս առաջնագիծ գալով՝ փախուստի էր դիմել մեր զինվորների կողմից վերահսկվելուց հետո»,- ասաց նա և մանրամասնեց. «Այց է ունեցել սահման, որից հետո փախուստի է դիմել, որովհետև հայտնվել է մեր զինվորների վերահսկողության տակ: Այս առումով, կարծում եմ, այդ ֆելշմոբերը ազդեցություն չեն ունենա»: