Հալեպում 10-ամյա դադարից հետո բացվել է գիշերային տոնավաճառը
Սիրիայի Հալեպ քաղաքում 10 տարվա ընդմիջումից հետո վերաբացվել է գիշերային տոնավաճառը, ինչի առթիվ քաղաքում միացվել են շատրվանները և հրավառություն է կազմակերպվել, գրում է ՏԱՍՍ գործակալությունը:
«Վերջին անգամ ես այստեղ եմ եկել ավելի քան 15 տարի առաջ: Այն ժամանակ դուստրերս դեռ շատ փոքր էին և, բնականաբար, ոչինչ չեն հիշում: Այժմ իրավիճակը հանգիստ է, մենք վայելում ենք այս մթնոլորտը և տոնավաճառի շահավետ գները»,- լրագրողներին պատմել է տեղի բնակիչներից մեկը:
Գիշերային տոնավաճառները Հալեպի կենտրոնական թաղամասերից մեկում կազմակերպվել են դեռևս անցած դարասկզբին, սակայն Սիրիայում ստեղծված իրավիճակի առնչությամբ տոնավաճառը ստիպված են եղել փակել: Դրա վերաբացումը երկրի խոշորագույն քաղաքի՝ խաղաղ կյանքի վերադառնալու ևս մեկ նշան է:
Հայտնի է, որ տարվա այս եղանակին, երբ Սիրիայում ցերեկն օդի ջերմաստիճանը 40-ի է հասնում, գրեթե բոլորը հանգստանում են, իսկ ակտիվությունը սկսվում է երեկոյան ժամերին:
Հիշեցնենք, որ Սիրիայում զինված հակամարտությունը սկսվել էր 2011 թ.: 2018 թ. վերջին հայտարարվել էր մերձարևելյան երկրի տարածքում «Իսլամական պետություն» ահաբեկչական խմբավորման նկատմամբ հաղթանակի մասին: Այժմ երկրում քաղաքական կարգավորման, վերականգնման և փախստականների վերադարձի ծրագրեր են իրականացվում:
Հայաստանում կենսաթոշակառուների համար նոր հնարավորություններ են բացվում
Շիրակցի դպրոցականները մեկնել են ամառային հանգստի՝ դեպի «Արագած» ճամբար
Իսպանիայի ընտրանու հարձակվողը վնասվածք ունի
Երևանում մի քանի փողոցներում կփոխվի երթևեկության կազմակերպումը
Անտարկտիդայում հայտնաբերված առաջին դինոզավրի ոսկորը գտել են դարակում
Արարատի մարզ Քաղցրաշեն գյուղում կաթնամթերքի արտադրամասի գործունեություն է կասեցվել
Գալուզինը կասկածի տակ է դնում եվրոպական շուկաների՝ Հայաստանի համար այլընտրանք լինելը
Ոստիկանության գվարդիայի ծառայողներն ու համայնքային ոստիկանները թմրամիջոց պահելու դեպքեր են բացահայտե...
Մեծացել է ռուբլու առքի և վաճառքի տարբերությունը․ ի՞նչ վտանգներ կան բանկային համակարգի համար
Թուրքիան արձագանքել է Իսրայելի կառավարության կողմից Հայոց ցեղասպանությունը ճանաչող բանաձևի հաստատման...