Բելառուսը գնահատել է ռուսական «կեղտոտ» նավթի պատճառած վնասի նախնական չափը

Բելառուսը Մոզիրի նավթավերամշակման գործարանի՝ ռուսական «անորակ նավթի» պատճառով շարքից դուրս եկած սարքավորումների արժեքը 30 մլն դոլար է գնահատել, գրում է belta.by կայքը՝ երկրի փոխվարչապետ Իգոր Լյաշենկոյին հղումով:

Փոխվարչապետը հավելել է, որ վերջնական թվի մասին խոսելը դեռ վաղ է, և որ այդ մասին ավելի շատ տեղեկություններ կտրամադրվեն գործարանի կապիտալ վերանորոգման ժամանակ:

Հիշեցնենք, որ ապրիլի 23-ին Բելառուսը հայտարարել էր, որ ռուսական նավթի անորակության պատճառով դադարեցնում է բենզինի և դիզելային վառելիքի՝ բալթյան երկրներ, Լեհաստան և Ուկրաինա արտահանումը, իսկ ապրիլի 30-ին լիովին դադարեցրել էր նավթի ներկրումը Ռուսաստանից: