Թուրքիայի բիզնեսմենների եւ Էրդողանի միջեւ լարվածությունը նոր մակարդակի է հասել
Թուրքիայի բիզնեսմենների եւ երկրի նախագահ Ռեջեփ Թայիփ Էրդողանի հարաբերություններում լարվածությունը նոր մակարդակի է հասել այն բանից հետո, երբ նա քննադատել է Թուրքական արդյունաբերության եւ բիզնեսի ասոցիացիային ու երկրի ամենահարուստ մարդկանցից մեկին՝ Թունջայ Օզիլհանին, փոխանցում է Bloomberg-ը:
«Թուրքիայում ինչպիսին էր բնակչության մեկ շնչին ընկնող եկամուտը 17 տարի առաջ, եւ ինչպիսին է հիմա»,- հայտարարել է Էրդողանը: «Դու տնտեսապես ի՞նչ մակարդակում էիր այն ժամանակ եւ որտե՞ղ ես հիմա,- հարցրել է նա՝ դիմելով Օզիլհանին: - Այդ ժամանակից սկսած որքանո՞վ է աճել ձեր ընկերությունը եւ որքա՞ն ուժեղ են դարձել ձեր ընկերները: Մի՞թե դուք սա ոչ մի անգամ չեք գնահատել»:
Նախագահի հայտարարությունը հետեւել է Օզիլհանի կողմից երկրի տնտեսական քաղաքականության խիստ քննադատությանը: Anadolu Group-ի 71-ամյա ղեկավարը հայտարարել էր, որ Թուրքիան կա՛մ հետեւում է ժողովրդավարության համընդհանուր սկզբունքներին, կա՛մ «դառնում է ինչ-որ ուրիշ բան»:
Դրանից բացի, Օզլիհանը հայտարարել էր, որ ազգը պետք է «հաղթահարի իր կառավարման համակարգի խնդիրները». գործադիր իշխանության նախագահական համակարգի նրբորեն քողարկված քննադատություն, որը իշխանությունը կենտրոնացնում է Էրդողանի ձեռքերում:
«Ես գիտեմ, թե ձեր գործերն ինչպիսին էին 17 տարի առաջ, եւ ինչպիսին են հիմա,- պատասխանել է Էրդողանը: - Անհրաժեշտության դեպքում կարող եմ հրապարակայնացնել (այդ տեղեկությունը): Ես գիտեմ ինչպես պատասխանատվության ենթարկել նրանց, ովքեր ներսից են Թուրքիային հարվածում»:
Օզլիհանը Թուրքիայում 94-րդ ամենահարուստ մարդն է: Ըստ Forbes-ի 2018 թվականի վարկանիշի՝ նրա կարողությունը գնահատվում է 525 մլն դոլար: Նրա ղեկավարած ընկերությունների թվում են AG Anadolu Grubu Holding կոնգլոմերատը, Anadolu Efes Biracilik ve Malt Sanayii AS գարեջրի գործարանը, Migros Ticaret AS սուպերմարքեթների ցանցը, Coca-Cola Icecek AS-ը եւ Anadolu Isuzu Otomotiv Sanayi ve Ticaret AS ավտոկոնցեռնը:
Հայաստանում կենսաթոշակառուների համար նոր հնարավորություններ են բացվում
Շիրակցի դպրոցականները մեկնել են ամառային հանգստի՝ դեպի «Արագած» ճամբար
Իսպանիայի ընտրանու հարձակվողը վնասվածք ունի
Երևանում մի քանի փողոցներում կփոխվի երթևեկության կազմակերպումը
Անտարկտիդայում հայտնաբերված առաջին դինոզավրի ոսկորը գտել են դարակում
Մեծացել է ռուբլու առքի և վաճառքի տարբերությունը․ ի՞նչ վտանգներ կան բանկային համակարգի համար
Գալուզինը կասկածի տակ է դնում եվրոպական շուկաների՝ Հայաստանի համար այլընտրանք լինելը
Արարատի մարզ Քաղցրաշեն գյուղում կաթնամթերքի արտադրամասի գործունեություն է կասեցվել
Ոստիկանության գվարդիայի ծառայողներն ու համայնքային ոստիկանները թմրամիջոց պահելու դեպքեր են բացահայտե...
Թուրքիան արձագանքել է Իսրայելի կառավարության կողմից Հայոց ցեղասպանությունը ճանաչող բանաձևի հաստատման...