Հերոս հայր-արագիլը հրդեհի ժամանակ հոգում է ապագա սերնդի մասին (տեսանյութ)

Ամուրի մարզում հրդեհները հսկայական տարածք են ընդգրկել. այրվում է 1,4 հազար հեկտար տարածք։ Էլեկտրալարերին բույն հյուսած թռչունները թեեւ անհանգստացել են տարածվող կրակից, բայց որոշել են մնալու ու սպասել, մինչեւ ձագերը դուրս գան ձվերից։ Առաջին տեսանյութն արվել է ապրիլի 28-ն, իսկ մայիսի 13-ին արդեն փոքրիկ արագիլները ձվերից դուրս էին եկել, տեղեկացնում է Nat-geo-ն։

Արագիլները մոնոգամ թռչուններ են եւ կարող են մեկ զուգընկերոջ հետ մնալ մինչեւ կյանքի վերջ։ Հեռավորարեւելյան արագիլը (լատ.՝ Ciconia boyciana) բույն հյուսում է ծառերին կամ բարձր սյուներին՝ մի բույնն օգտագործելով մի քանի տարի։ Թռչունները 2-6 ձու են ձվադրում ապրիլի վերջին՝ հերթով հոգալով նրանց մասին. ցերեկը նրանք փոխում են դերերը։ Ամուրի մարզից արված կադրերում ցերեկվա ժամ է, դրա համար էլ տեսախցիկի օբյեկտիվը որսացել է հերոս արագիլ հորը։

Թուխսը տեւում է մոտ 33 օր։ Հենց նոր ձվից դուրս եկած ձագուկները տեսողություն ունեն, բայց շատ անօգնական են. ծնողները կերակրում են նրանց կտուցներով։

Այս թեմայով «Այլմոլորակային» մողեսները հարձակվել են ամերիկացիների վրա Քենիայի արգելոցում լուսանկարիչը ֆիքսել է ընձառյուծների «ակրոբատիկ հնարքները» (լուսանկարներ) Մեդուզային օդ նետող դելֆինը դարձել է համացանցի աստղ (տեսանյութ) WWF-Հայաստանը «Արևիք» ազգային պարկում ընձառյուծ է լուսանկարել Ալյասկայում որմզդեղնը տապից պաշտպանվելու հիանալի միջոց է գտել (տեսանյութ)