Ռուսաստանը եւ ԱՄՆ-ը Սոչիի բանակցությունների արդյունքում մնացել են իրենց կարծիքին
Ռուսաստանի ղեկավարության եւ ԱՄՆ պետքարտուղար Մայք Պոմպեոյի Սոչիում կայացած բանակցությունների արդյունքն այն է, որ կողմերը մնացել են իրենց կարծիքին, բայց ամերիկյան դիվանագիտության ղեկավարի այս այցը վաշինգտոնյան վարչակազմի լուրջ փորձն է՝ սկսել երկու երկրների հարաբերությունների վերալիցքավորումը։ Այսպես է երեքշաբթի The Washington Post թերթը մեկնաբանել ԱՄՆ պետքարտուղարի բանակցությունները ՌԴ ԱԳՆ ղեկավար Սերգեյ Լավրովի եւ նախագահ Վլադիմիր Պուտինի հետ, տեղեկացնում է ՏԱՍՍ-ը։
«Պետքարտուղար Մայք Պոմպեոն ասաց, որ երեքշաբթի մեկնել է սեւծովյան այդ ամառանոցային քաղաք նախագահ (Դոնալդ) Թրամփի առաջադրանքով. կարգավորել ԱՄՆ հարաբերությունները Ռուսաստանի հետ։ Բայց գիշերվան մոտ Ռուսաստանի նախագահ Վլադիմիր Պուտինի նստավայրում պարզ է դարձել, որ Պոմպեոն կարող է հուսալ ոչ ավելի, քան նրան, որ Սոչիից կհեռանա միայն մի պայմանավորվածությամբ՝ որ բոլորը կմնան իրենց կարծիքին»,- գրում է թերթը։
«Բայց Իրանի, Վենեսուելայի եւ ԱՄՆ ընտրություններին ռուսական միջամտության հարցերի վերաբերյալ Պոմպեոն եւ ՌԴ արտգործնախարար Սերգեյ Լավրովը համատեղ մամուլի ասուլիսում խիստ հակադիր դիրքորոշումների են եղել։ Չնայած դրան՝ Պոմպեոյի առաջին ուղեւորությունը Ռուսաստան որպես պետքարտուղար նախագահ Թրամփի վարչակազմի նոր լուրջ փորձն էր՝ համաշխարհային ասպարեզում տնտղելու թարմ հենարան քաղաքական տեսակետից ամենավտանգավոր հարաբերություններում»,- համոզված է պարբերականը։
«Թրամփը դեռ նախընտրական ժամանակներից էր հնչեցրել Ռուսաստանի հետ համագործակցելու ցանկություն գլոբալ մարտահրավերների հարցում, բայց նա այդպես էլ չիրականացրեց այդ ցանկությունը գործնականում՝ ուժեղ քաղաքական դիմադրության պատճառով։ Հիմա, երբ հատուկ դատախազ Ռոբերտ Մյուլլերի հետաքննությունը ընտրություններին Ռուսաստանի միջամտության առիթով ավարտվել է, Սպիտակ տունը եւ Կրեմլը տեսնում են հարաբերությունների վերալիցքավորման հնարավորություն»,- կարծում է պարբերականը։
ԱՄՆ պետքարտուղարը երեքշաբթի Ռուսաստան այցի ընթացքում բանակցել է Լավրովի հետ, որից հետո նրան ընդունել է Պուտինը։ Լավրովը եւ Պոմպեոն Սոչիում մոտ երեք ժամ բանակցել են՝ քննարկելով, ինչպես նշել է ԱԳՆ ղեկավարը, ինչպես երկկողմ հարաբերությունները, այնպես էլ միջազգային եւ տարածաշրջանային առավել հրատապ հարցերը, ներառյալ իրավիճակն Ուկրաինայում, Վենեսուելայում, Սիրիայում եւ Մերձավոր Արեւելքում ընդհանրապես, Հյուսիսային Կորեայի եւ Իրանի միջուկային մշակումների խնդիրների կարգավորումը։ Կողմերը եկել են այն եզրահանգման, որ «պետք է ջանալ նախաձեռնել գործնական քայլեր (ռուս-ամերիկյան հարաբերություններում) ստեղծված իրավիճակը շտկելու համար»,- ընդգծել է Լավրովը։
Հայաստանում կենսաթոշակառուների համար նոր հնարավորություններ են բացվում
Շիրակցի դպրոցականները մեկնել են ամառային հանգստի՝ դեպի «Արագած» ճամբար
Իսպանիայի ընտրանու հարձակվողը վնասվածք ունի
Երևանում մի քանի փողոցներում կփոխվի երթևեկության կազմակերպումը
Անտարկտիդայում հայտնաբերված առաջին դինոզավրի ոսկորը գտել են դարակում
Մեծացել է ռուբլու առքի և վաճառքի տարբերությունը․ ի՞նչ վտանգներ կան բանկային համակարգի համար
Գալուզինը կասկածի տակ է դնում եվրոպական շուկաների՝ Հայաստանի համար այլընտրանք լինելը
Արարատի մարզ Քաղցրաշեն գյուղում կաթնամթերքի արտադրամասի գործունեություն է կասեցվել
Ոստիկանության գվարդիայի ծառայողներն ու համայնքային ոստիկանները թմրամիջոց պահելու դեպքեր են բացահայտե...
Թուրքիան արձագանքել է Իսրայելի կառավարության կողմից Հայոց ցեղասպանությունը ճանաչող բանաձևի հաստատման...