Պեսկովը նշել է Սոչիում Պուտինի և Պոմպեոյի բանակցությունների թեմաները
ՌԴ նախագահ Վլադիմիր Պուտինը մայիսի 14-ին Սոչիում ԱՄՆ պետքարտուղար Մայք Պոմպեոյի հետ կքննարկի երկկողմ հարաբերությունները, ռազմավարական կայունության ու զինաթափման թեմաները, ինչպես նաև տարածաշրջանային սուր հարցերը։ Այս մասին լրագրողների հետ զրույցում ասել է ՌԴ նախագահի մամուլի քարտուղար Դմիտրի Պեսկովը, հաղորդում է ՏԱՍՍ-ը։
«Կքննարկվեն առավել ակտուալ հարցերը։ Ակնհայտ է, որ դրանք են՝ երկկողմ հարաբերություններ, ռազմավարական կայունություն ու զինաթափում։ Դրանք նաև տարածաշրջանային հարցերն են՝ Իրան, Սիրիա, Վենեսուելա, Կորեական թերակղզու ապամիջուկայնացում և հնարավոր այլ հարցեր»,-ասել է Պեսկովը։
Պեսկովը հիշեցրել է, որ հանդիպումը կկայանա Սոչիում երեկոյան, Պոմպեոյի և ՌԴ ԱԳ նախարար Սերգեյ Լավրովի բանակցություններից հետո։ Նրա խոսքով՝ նախագահը կընդունի Պոմպեոյին և նախարարին, որոնք նախագահին կտեղեկացնեն Սոչիում իրենց քննարկումների արդյունքների մասին։
Բացի այդ, կողմերը կարող են քննարկել նաև Ճապոնիայի Օսակա քաղաքում Քսանյակի խմբի գագաթնաժողովի շրջանակում ԱՄՆ և ՌԴ նախագահների հնարավոր հանդիպման հարցը։
«Հնարավոր է, դեռ չգիտեմ»,-ասել է նա՝ պաատխասնելով այն հարցին, թե արդյոք այդ թեման կարող է բարձրացվել հանդիպման ընթացքում։ Կրեմլի ներկայացուցիչը ուղիղ չի պատասխանել այն հարցին, թե արդյոք ռուսական կողմն է առաջարկել նման հանդիպում անցկացնել։ Նա հիշեցրել է, որ վերջին անգամ նման բանակցությունները չեղարկեց ԱՄՆ նախագահը։
Հայաստանում կենսաթոշակառուների համար նոր հնարավորություններ են բացվում
Շիրակցի դպրոցականները մեկնել են ամառային հանգստի՝ դեպի «Արագած» ճամբար
Իսպանիայի ընտրանու հարձակվողը վնասվածք ունի
Երևանում մի քանի փողոցներում կփոխվի երթևեկության կազմակերպումը
Անտարկտիդայում հայտնաբերված առաջին դինոզավրի ոսկորը գտել են դարակում
Մեծացել է ռուբլու առքի և վաճառքի տարբերությունը․ ի՞նչ վտանգներ կան բանկային համակարգի համար
Գալուզինը կասկածի տակ է դնում եվրոպական շուկաների՝ Հայաստանի համար այլընտրանք լինելը
Արարատի մարզ Քաղցրաշեն գյուղում կաթնամթերքի արտադրամասի գործունեություն է կասեցվել
Ոստիկանության գվարդիայի ծառայողներն ու համայնքային ոստիկանները թմրամիջոց պահելու դեպքեր են բացահայտե...
Թուրքիան արձագանքել է Իսրայելի կառավարության կողմից Հայոց ցեղասպանությունը ճանաչող բանաձևի հաստատման...