Հյուսիսային Կորեան մեղադրել է ԱՄՆ-ին պայմանավորվածությունները խախտելու մեջ՝ նավը կալանելու առիթով
Հյուսիսային Կորեան մեղադրել է Վաշինգտոնին «նոր հարաբերությունների կառուցման» մասին երկու երկրների պայմանավորվածություններն անտեսելու մեջ, այն բանից հետո, երբ ԱՄՆ-ը կալանել է հյուսիսկորեական նավը Փհենյանի դեմ պատժամիջոցները խախտելու կասկածանքով։ Համապատասխան հայտարարությունն արել է Հյուսիսային Կորեայի ԱԳՆ ներկայացուցիչը, տեղեկացնում է ՌԻԱ «Նովոստի»-ն։
Մի քանի օր առաջ ամերիկյան արդարադատության նախարարությունը տեղեկացրել էր, որ ԱՄՆ-ը կալանել է Wise Honest նավը, որն օգտագործվում էր Հյուսիսային Կորեայից ածուխ տեղափոխելու համար, ինչն արգելված է ՄԱԿ ԱԽ որոշմամբ՝ Փհենյանի միջուկային եւ հրթիռային ծրագրերի հետ կապված։
«Ամերիկայի այս վերաբերմունքը մեզ ծնկի բերելու փորձերի շարունակությունն է «առավելագույն ճնշմամբ» եւ լիովին անտեսում է (2018-ի) հունիսի 12-ի համատեղ հայտարարության ոգին, որում գրանցված է նոր հարաբերությունների կառուցման պայմանավորվածությունը»,- ասվում է հայտարարությունում, որը տարածվել է Կորեայի Կենտրոնական հեռագրային գործակալության միջոցով։
ԱԳՆ ներկայացուցիչը պահանջել է վերադարձնել նավը եւ հայտարարել է, որ Փհենյանում կհետեւեն «ԱՄՆ հետագա քայլերին»։
Սա առաջին դեպքն է, երբ ԱՄՆ-ը կալանել է հյուսիսկորեական նավը պատժամիջոցները խախտելու պատճառով։ Նավը կալանվել է ամերիկյան տարածքում, թեեւ արդարադատության նախարարությունը չի ճշտում, թե երբ։
Սինգապուրում 2018 թվականի հունիսի 12-ին տեղի է ունեցել ԱՄՆ նախագահ Դոնալդ Թրամփի եւ Հյուսիսային Կորեայի առաջնորդ Կիմ Չեն Ընի առաջին հանդիպումը, նրանք պայմանավորվել են հարաբերությունները նորմալացնելու եւ Հյուսիսային Կորեայի միջուկազերծման շուրջ։ Նրանց երկրորդ հանդիպումը Հանոյում 2019-ի փետրվարին ապարդյուն ավարտվեց։
Հայաստանում կենսաթոշակառուների համար նոր հնարավորություններ են բացվում
Շիրակցի դպրոցականները մեկնել են ամառային հանգստի՝ դեպի «Արագած» ճամբար
Իսպանիայի ընտրանու հարձակվողը վնասվածք ունի
Երևանում մի քանի փողոցներում կփոխվի երթևեկության կազմակերպումը
Անտարկտիդայում հայտնաբերված առաջին դինոզավրի ոսկորը գտել են դարակում
Մեծացել է ռուբլու առքի և վաճառքի տարբերությունը․ ի՞նչ վտանգներ կան բանկային համակարգի համար
Գալուզինը կասկածի տակ է դնում եվրոպական շուկաների՝ Հայաստանի համար այլընտրանք լինելը
Արարատի մարզ Քաղցրաշեն գյուղում կաթնամթերքի արտադրամասի գործունեություն է կասեցվել
Ոստիկանության գվարդիայի ծառայողներն ու համայնքային ոստիկանները թմրամիջոց պահելու դեպքեր են բացահայտե...
Թուրքիան արձագանքել է Իսրայելի կառավարության կողմից Հայոց ցեղասպանությունը ճանաչող բանաձևի հաստատման...