Չինաստանի իշխանություններն ԱՄՆ-ին կոչ են արել «զայրույթն այդքան կատաղի չցուցադրել»
Չինաստանը ստիպված կլինի պատասխան միջոցառումներ ընդունել չինական մի շարք ապրանքների համար ԱՄՆ նախաձեռնած մաքսատուրքերի բարձրացման դեմ, սակայն բանակցություններում Վաշինգտոնի ավելի զուսպ արձագանքների հույս ունի, CCTV-ի հետ հարցազրույցում ասել է Չինաստանի փոխվարչապետ Լյու Հեն:
«Եթե Միացյալ Նահանգները բարձրացնում է մաքսատուրքերը, մենք պարտավոր ենք պատասխանել: Բայց, իհարկե, հույս ունենք, որ օվկիանոսից այն կողմ կհետեւեն այս հարցում ավելի զուսպ դիրքորոշման, եւ այդ ժամանակ մեր կողմը նույն կերպ կգործի: Չի կարելի զայրույթն անսահման ձեւով ցուցադրել»,- ասել է նա:
Նա հերթական անգամ ընդգծել է մաքսատուրքերը բարձրացնելու ԱՄՆ որոշումից հիասթափությունը եւ հայտարարել, որ Չնաստանը նման միջոցառումնների «դեմ վճռականորեն» հանդես կգա, քանի որ դա «ձեռնտու չէ ո՛չ ԱՄՆ-ին, ո՛չ Չինաստանին, ո՛չ մնացյալ աշխարհին»:
Ուշագրավ է, որ մինչ ԱՄՆ-ում տեղի ունեցած առեւտրային բանակցություններում չինական պատվիրակության ղեկավար Լյու Հեն շփվում էր լրագրողների հետ, ԱՄՆ նախագահ Դոնալդ Թրամփը հանձնարարել էր համանման միջոցառումներ մտցնել չինական ամբողջ ներմուծման համար:
Ընդ որում՝ ավելի վաղ Թրամփը հայտարարել էր, որ եթե Չինաստանի ներկայացուցիչների հետ բանակցությունները «լավ ընթանան», ապա ինքը կարող է եւ չեղարկել սեփական որոշումը:
Հրապարակվել է հազար խոշոր հարկատուների ցանկը. վճարված գումարները կազմել են ավելի քան 1 տրլն 946 մլրդ...
Շինարարական ընկերություններին ներկայացվող պահանջները խստացվել են
Համատեղ ջանքերի շնորհիվ մեզ կհաջողվի նոր մակարդակի բարձրացնել երկկողմ քաղաքական երկխոսությունը․ Փաշի...
Բոլորը պետք է փոխզիջման գնան, ի դեպ` նաեւ ամերիկյան, Վիլնյուսում ասել է Զելենսկին
Մահացել է Երևանի նախկին քաղաքապետ Ռոբերտ Նազարյանը
Հունվարի 27-ը Հայրենիքի պաշտպանության համար զոհվածների հիշատակի օրն է
Փոսը շրջանցելու համար, վարորդները երթևեկում են հանդիպակաց գոտիով՝ վթարային իրավիճակնեը ստեղծելով մյո...
Հունաստանում սննդի գործարանում բռնկված հրդեհը երեք մարդու կյանք է խլել
17-ամյա Աննա Զաքարյանը որոնվում է որպես անհետ կորած
Ժամանակավորապես կդադարեցվի հետևյալ հասցեների էլեկտրամատակարարումը