Թուրքիան կարող է հրաժարվել ձեռքբերել Ս-400 համակարգերը Ռուսաստանից
Թուրքիայի իշխանություններն, ըստ ամենայնի, մտադիր են վերանայել իրենց որոշումը Ռուսաստանից Ս-400 զենիթա-հրթիռային համակարգերը ձեռքբերելու վերաբերյալ: Այդ մասին հայտնել է Bild թերթը՝ հղում անելով թուրքական դիվանագիտական անձանց, հաղորդում է ՏԱՍՍ-ը:
Պարբերականի տվյալներով՝ Անկարայում դա կապում են երկրում տնտեսական իրավիճակի կտրուկ անկման եւ լիրայի փոխարժեքի նվազման հետ, եւ խուսափում են ԱՄՆ-ի կողմից հնարավոր պատժամիջոցներից Ռուսաստանի հետ գործարքի պատճառով:
«Հուլիսին Ս-400 համակարգերի մատակարարումը տեղի չի ունենա, հայտարարել է Թուրքիայի նախագահը, քանի որ այդ ձեռքբերումը կհանգեցնի Վաշինգտոնի կողմից պատժամիջոցներին, իսկ լիրայի փոխարժեքի ներկայիս անկման պարագայում դա կնշանակի Թուրքիայի տնտեսական անկումը»,-նշել է Bild-ի աղբյուրը: Նրա խոսքով՝ «Թուրքիայում տնտեսական ճգնաժամը սրվում է Անկարայի ագրեսիվ արտաքին քաղաքականության պատճառով:»
Ավելի վաղ Թուրքիայում Գերմանիայի դեսպան Մարտին Էրդմանը ելույթ է ունեցել Ռուսաստանից զենիթա-հրթիռային համակարգերի գնման դեմ: «Մենք ցանկանում ենք, որ Թուրքիան շարունակի մնալ արեւմտյան միության ամուր մասնիկը, եւ մեծապես անհանգստացած ենք Ս-400 համակարգերի գնման կապակցությամբ»,-հայտարարել է նա Ստամբուլում տեղի ունեցած համաժողովի ժամանակ:
Ռուսաստանի եւ Թուրքիայի միջեւ Ս-400 համակարգերը մատակարարելու վերաբերյալ պայմանագրի կնքման փաստը հաստատվել էր 2017 թվականին: Թուրքական կողմը պետք է ստանար այդ համակարգերի մեկ զորագնդային համալիր: ԱՄՆ-ը ձեռնարկում է ակտիվ փորձեր Թուրքիային այդ սպառազինությունը ձեռբերել թույլ չտալու ուղղությամբ:
Ս-400 «Տրիումֆ» ռուսական զենիթա-հրթիռային համակարգը մեծ եւ միջին հեռավորության է: Այն նախատեսված է օդային հարձակման եւ լրտեսական միջոցները (այդ թվում՝ թռչող սարքերը, որոնք ստեղծված են «սթելս» տեխնոլոգիայով) եւ ցանկացած այլ օդային թիրախները ոչնչացնելու համար ինտենսիվ կրակի եւ ռադիոէլեկտրոնային հակազդեցության պայմաններում:
Հայաստանում կենսաթոշակառուների համար նոր հնարավորություններ են բացվում
Շիրակցի դպրոցականները մեկնել են ամառային հանգստի՝ դեպի «Արագած» ճամբար
Իսպանիայի ընտրանու հարձակվողը վնասվածք ունի
Երևանում մի քանի փողոցներում կփոխվի երթևեկության կազմակերպումը
Անտարկտիդայում հայտնաբերված առաջին դինոզավրի ոսկորը գտել են դարակում
Գալուզինը կասկածի տակ է դնում եվրոպական շուկաների՝ Հայաստանի համար այլընտրանք լինելը
Մեծացել է ռուբլու առքի և վաճառքի տարբերությունը․ ի՞նչ վտանգներ կան բանկային համակարգի համար
Արարատի մարզ Քաղցրաշեն գյուղում կաթնամթերքի արտադրամասի գործունեություն է կասեցվել
Ոստիկանության գվարդիայի ծառայողներն ու համայնքային ոստիկանները թմրամիջոց պահելու դեպքեր են բացահայտե...
Թուրքիան արձագանքել է Իսրայելի կառավարության կողմից Հայոց ցեղասպանությունը ճանաչող բանաձևի հաստատման...