ԵՄ երկրները չափից շատ են օգտագործում Երկրի ռեսուրսները. զեկույց
Եվրոպական Միության 28 երկրներն օգտագործում են Երկրի ռեսուրսներն ավելի արագ, քան դրանք կարող են վերականգնվել, իսկ դրանցից եւ ոչ մեկը չունի սպառման կայուն քաղաքականություն, ասվում է հինգշաբթի հրապարակված զեկույցում: ԵՄ-ի առաջնորդները հանդիպել են քններկելու առաջնահերթությունները հաջորդող հինգ տարիների կտրվածքով, հաղորդում է Gismeteo-ն:
«ԵՄ-ը եւ դրա քաղաքացիները ներկայումս օգտագործում են երկու անգամ ավելի, քան էկոհամակարգերը կարող են վերականգնել»,-ասվում է Վայրի բնության համաշխարհային հիմնադրամի եւ Global Footprint Network-ի զեկույցում, որը պատրաստվել էր ռումինական Սիբիու քաղաքում ԵՄ-ի առաջնորդների հանդիպումից հետո:
Գագաթնաժողովից առաջ Ֆրանսիայի նախագահ Էմանուել Մակրոնը հայտարարել է, որ կլիմայի փոփոխությունն առանցքային խնդիրներից մեկն է, որը ներառված է 2019-2024 թվականների պարտավորությունների մեջ:
Greenpeace-ի շուրջ 100 ակտիվիստներ եւ մի քանի եվրոպական երկրներից ուսանողներ մասնակցել են Սիբիու քաղաքում քայլերթին՝ ցուցադրելով հսկայական բաններ «Խախտված կլիմա, խախտված ապագա» գրությամբ:
Կլիմայի փոփոխության դեմ պայքարի համար միջոցառումների մասին կարծիքները տարբերվում են եվրոպական երկրների շրջանում, քանի որ դրա վրա ազդում են որոշ առաջնահերթ ճյուղեր, ինչպիսիք են մեքենաշինությունը Գերմանիայում կամ ածխի արդյունաբերությունը Լեհաստանում:
Գագաթնաժողովի նախագահ, Եվրախորհրդի ղեկավար Դոնալդ Տուսկը հայտարարել է, որ ապագա չունեն այն քաղաքական գործիչները, որոնք զգայունություն չեն ցուցաբերում կլիմայի փոփոխության ու շրջակա միջավայրի պաշտպանության խնդիրների հանդեպ:
Եվրահանձնաժողովը պնդում է, որ ԵՄ-ը 2050 թվականին դառնա կլիմայի առումով չեզոք տարածք ածխաթթու գազի արտանետումների կրճատման հաշվին, որը հակառակ դեքպում կբարձրացնի Երկրի միջին ջերմաստիճանը ավերիչ հետեւանքներով:
«ԵՄ երկրներն օգտագործում են Երկրի բնական պաշարների շուրջ 20 տոկոսը՝ չնայած նրանք կազմում են համաշխարհային բնակչության ընդամենը 7 տոկոսը»,-ասվում է զեկույցում:
ԵՄ-ի ամենափոքր եւ հարուստ երկիրը՝ Լյուքսեմբուրգը, այն երկրների թվին է պատկանում, որոնք օգտագործել են վերականգնվող ռեսուրսները մյուսներից արագ. ընդամենը 46 օրվա ընթացքում այդ պետությունն օգտագործել է Երկրի ռեսուրսների իր բաժինն ամբողջությամբ:
Հայաստանում կենսաթոշակառուների համար նոր հնարավորություններ են բացվում
Շիրակցի դպրոցականները մեկնել են ամառային հանգստի՝ դեպի «Արագած» ճամբար
Իսպանիայի ընտրանու հարձակվողը վնասվածք ունի
Երևանում մի քանի փողոցներում կփոխվի երթևեկության կազմակերպումը
Անտարկտիդայում հայտնաբերված առաջին դինոզավրի ոսկորը գտել են դարակում
Գալուզինը կասկածի տակ է դնում եվրոպական շուկաների՝ Հայաստանի համար այլընտրանք լինելը
Մեծացել է ռուբլու առքի և վաճառքի տարբերությունը․ ի՞նչ վտանգներ կան բանկային համակարգի համար
Արարատի մարզ Քաղցրաշեն գյուղում կաթնամթերքի արտադրամասի գործունեություն է կասեցվել
Ոստիկանության գվարդիայի ծառայողներն ու համայնքային ոստիկանները թմրամիջոց պահելու դեպքեր են բացահայտե...
Թուրքիան արձագանքել է Իսրայելի կառավարության կողմից Հայոց ցեղասպանությունը ճանաչող բանաձևի հաստատման...