ԱՄՆ-ն Ռուսաստանին կարող է մեղադրել արժութային մանիպուլյացիաների մեջ
ԱՄՆ նախագահ Դոնալդ Թրամփի վարչակազմը կընդլայնի այն երկրների ցանկը, որոնք կասկածվում են արժութային մանիպուլյացիների մեջ, այդ թվում ներառելով Ռուսաստանն ու Ասիայի մի շարք երկրներ, հաղորդում է «Ամերիկայի ձայն»-ը՝ վկայակոչելով Bloomberg-ը։
Գործակալությունը՝ վկայակոչելով անանուն աղբյուրները, հայտնում է, որ Վիետնամը կարող է արժութային մանիպուլյատոր ճանաչվել, քանի որ արհեստականորեն նվազեցնում է դոնգի արժեքը։
Այդ թեման, ինչպես նշում է գործակալությունը, միջազգային մակարդակով վեճերի առիթ է հանդիսանում։ Եվ այդ պատճառով Թրամփի վարչակազմը Վիետնամին խնդրել է շատ ինֆորմացիա տրամադրել՝ նախքան զեկույցը հրապարակելը։
Bloomberg-ի հաղորդմամբ՝ նոր զեկույցում, որն, ինչպես ակնկալվում է, կհրապարակվի այս ամիս, ստուգման ենթարկվող երկրների թիվը 12-ից հասնում է 20-ի։
Աղբյուրների խոսքով՝ ֆինանսների նախարարությունը նվազեցրել է արժութային մանիպուլյացիայի հստակեցման 3 չափորոշիչներից մեկը՝ վճարային հաշվեկշռի պրոֆիցիտը, որը ցույց է տալիս ներմուծման ու արտահանման ծավալների միջեւ տարբերությունը։ Անցումային ցուցանիշը ՀՆԱ 3%-ից հասել է 2-ի։
Ավելի վաղ նախագահ Թրամփը թվիթերի իր էջում գրել էր, որ Չինաստանը, Ռուսաստանն ու Եվրամիությունը մանիպուլացիայի են ենթարկում իրենց արժույթը, որպեսզի առեւտրային անօրինական գերակայություն ունենան ԱՄՆ-ի նկատմամբ։
Իր նախընտրական քարոզարշավի ժամանակ Թրամփը խոստացել էր Չինաստանն արժութային մանիպուլյատոր ճանաչել։ Սակայն ֆինանսների նախարար Սթիվեն Մնուչինը դա չարեց՝ հայտարարելով, որ Պեկինը չի համապատասխանում Կոնգրեսի սահմանած չափանիշներին։
Ռուսաստանն ու ԵՄ-ը եւս պաշտոնապես արժութային մանիպուլյատոր չճանաչվեցին։
Իսկ այժմ ԱՄՆ ֆիննախը ստուգումներ է անցկացնում ԱՄՆ-ի եւ Շվեյցարիայի 12 խոշորագույն առեւտրային գործընկերների նկատմամբ։
Ընդլայնված ցուցակում կարող են հայտնվել Ռուսաստանը, Թաիլանդը, Ինդոնեզիան, Իռլանդիան, Մալայզիան, որոնք ԱՄՆ-ի հետ առեւտրում մեծ պրոֆիցիտ ունեն։
Հայաստանում կենսաթոշակառուների համար նոր հնարավորություններ են բացվում
Շիրակցի դպրոցականները մեկնել են ամառային հանգստի՝ դեպի «Արագած» ճամբար
Իսպանիայի ընտրանու հարձակվողը վնասվածք ունի
Երևանում մի քանի փողոցներում կփոխվի երթևեկության կազմակերպումը
Անտարկտիդայում հայտնաբերված առաջին դինոզավրի ոսկորը գտել են դարակում
Գալուզինը կասկածի տակ է դնում եվրոպական շուկաների՝ Հայաստանի համար այլընտրանք լինելը
Մեծացել է ռուբլու առքի և վաճառքի տարբերությունը․ ի՞նչ վտանգներ կան բանկային համակարգի համար
Արարատի մարզ Քաղցրաշեն գյուղում կաթնամթերքի արտադրամասի գործունեություն է կասեցվել
Ոստիկանության գվարդիայի ծառայողներն ու համայնքային ոստիկանները թմրամիջոց պահելու դեպքեր են բացահայտե...
Թուրքիան արձագանքել է Իսրայելի կառավարության կողմից Հայոց ցեղասպանությունը ճանաչող բանաձևի հաստատման...