Հայաստանը մեկ տարի առաջ և այժմ. РУСАРМИНФО-ն ներկայացրել է հայտնի ռուսների ու ռուսաստանաբնակների կարծիքը Հայաստանում տեղի ունեցած փոփոխությունների վերաբերյալ
Մեկ տարի առաջ Հայաստանում իրականացված «թավշյա» հեղափոխության արդյունքում երկրում իշխանափոխություն տեղի ունեցավ, և Նիկոլ Փաշինյանը երկրորդ փորձից Ազգային ժողովի կողմից հանրապետության վարչապետ ընտրվեց:
Իշխանափոխության մեկ տարվա առթիվ Rusarminfo.ru կայքը վերջին տարում ՀՀ-ում տեղի ունեցած փոփոխությունների վերաբերյալ զրուցել է քաղաքականությամբ չզբաղվող, բայց Հայաստանի հետ սերտ կապեր ունեցող ռուսների ու ռուսաստանաբնակ հայերի հետ:
Մոսկվայի ֆիզիկատեխնիկական ինստիտուտի դասախոս, հայտնի բյուրեղագետ, քիմիկոս և նյութագետ Արտեմ Օհանովը կարծում է, որ, չնայած երկրի վարչապետի՝ հանրությանը տված խոստումներին, հեղափոխությունից հետո Հայաստանում դրական փոփոխություններ տեղի չեն ունեցել:
«Հայաստանն այնպիսի իրավիճակում է գտնվում, որ իշխանություններից իրականում այնքան էլ շատ բան կախված չէ, դրա համար էլ առանձնակի սպասելիքներ չկան և չեն եղել: Դեպի վեր շարժումը միշտ էլ դանդաղ գործընթաց է եղել: Արագ և հեքիաթային փոփոխություններ ակնկալելը միամիտ կլիներ, հատկապես հաշվի առնելով, որ Հայաստանը գտնվում է առևտրային շրջափակման և սառեցված ռազմական հակամարտության մեջ, երկիրն այժմ լուրջ տնտեսական վերափոխումների համար ռեսուրսներ չունի», - ասել է Օհանովը կայքի հետ զրույցում:
Հակառակ տեսակետն է հայտնել հայկական արմատներով ռուսաստանաբնակ հայտնի երաժիշտ, «Крематорий» ռոք խմբի անդամ Արմեն Գրիգորյանը:
«Կարող եմ փոխանցել ձեզ իմ հայաստանյան ամառանոցի հարևանությամբ բնակվող մարդկանց կարծիքը: Նրանք նոր իշխանությունների մասին հիմնականում դրականորեն են արտահայտվում: Օրինակ՝ նրանցից մեկը, որը քանդակագործ է, նախկինում մշտապես բողոքում էր հարկային ծառայությունների շորթումներից, այժմ համոզված է, որ դրանց վերջ է տրվել: Իմ մեկ այլ հարևանուհին վերջերս վարորդական իրավունքի քննություն է հանձնել և գոհունակությամբ պատմում էր, որ նրանից ոչ մի գրոշ չեն վերցրել, իսկ նախկին իշխանությունների օրոք, նրա խոսքով, առանց կաշառքի գործը գլուխ բերել հնարավոր չէր լինի: Միևնույն ժամանակ ազգականս, որը ցանկանում էր պաղպաղակի արտադրամաս բացել, հավաքել էր բոլոր անհրաժեշտ փաստաթղթերը, բայց մերժում է ստացել», -ասել է Գրիգորյանը:
Երաժշտի խոսքով՝ երկրում կենցաղային մակարդակում կոռուպցիան շարունակում է նվազել, սակայն ձեռնարկատիրական գործունեության ազատության հետ կապված դեռևս խնդիրներ կան:
Ռուս հայտնի հեռուստահաղորդավար Դմիտրի Դիբրովն իր հերթին ասել է, որ Հայաստանում տեղի ունեցող փոփոխությունների մասին օբյեկտիվ կերպով կարող են կարծիք հայտնել միայն երկրում բնակվողները:
«Ես իրավունք չունեմ կարծիք արտահայտելու այնպիսի հարցերի շուրջ, որոնց մասին պետք է Հայաստանում ապրողները խոսեն, իսկ ես այնտեղ չեմ ապրում: Լսել եմ հայաստանաբնակ այնպիսի մարդկանց կարծիքները, որոնց վստահում եմ, և կարծես թե դեռ ոչ մի վատ բան չեմ լսել»,- ասել է Դիբրովը:
Նա հավելել է, որ Հայաստանում տեղի ունեցած փոփոխություններն իրեն չեն վերաբերել. հայերը նրա նկատմամբ միշտ ջերմ և բարեհոգի վերաբերմունք են դրսևորել, ինչն անփոփոխ է մնացել:
Հայաստանում կենսաթոշակառուների համար նոր հնարավորություններ են բացվում
Շիրակցի դպրոցականները մեկնել են ամառային հանգստի՝ դեպի «Արագած» ճամբար
Իսպանիայի ընտրանու հարձակվողը վնասվածք ունի
Երևանում մի քանի փողոցներում կփոխվի երթևեկության կազմակերպումը
Անտարկտիդայում հայտնաբերված առաջին դինոզավրի ոսկորը գտել են դարակում
Գալուզինը կասկածի տակ է դնում եվրոպական շուկաների՝ Հայաստանի համար այլընտրանք լինելը
Մեծացել է ռուբլու առքի և վաճառքի տարբերությունը․ ի՞նչ վտանգներ կան բանկային համակարգի համար
Արարատի մարզ Քաղցրաշեն գյուղում կաթնամթերքի արտադրամասի գործունեություն է կասեցվել
Ոստիկանության գվարդիայի ծառայողներն ու համայնքային ոստիկանները թմրամիջոց պահելու դեպքեր են բացահայտե...
Թուրքիան արձագանքել է Իսրայելի կառավարության կողմից Հայոց ցեղասպանությունը ճանաչող բանաձևի հաստատման...