97-ամյա ամերիկացին աշխատում է 7 տարեկանից և հանգստի գնալու մտադրություն չունի (լուսանկար)
CBS News հարթակն ուշագրավ հոդվածով անդրադարձել է 97-ամյա Բեննի Ֆիցետոյին, որը, չնայած տարիքին, շարունակում է աշխատել:
Ամերիկացի վետերանն օգնում է սուպերմարկետի հաճախորդներին գնումները տեղավորել տոպրակների մեջ և դրամարկղի մոտ հերթապահում է շաբաթական երկու անգամ՝ 4-ժամյա գրաֆիկով, իսկ մինչ սուպերմարկետում աշխատանքի անցնելը պահեստապետ է աշխատել:
Չնայած նրան, որ տարեց տղամարդը թոշակի է անցել դեռևս 1980-ական թվականներին, նա միշտ տարբեր աշխատանքներ է գտնում, քանի որ, նրա խոսքով, ինքը միշտ սիրել և սիրում է աշխատել:
Հարթակը նշում է, որ 97-ամյա Բեննին աշխատանքի ժամանակ ընդմիջում չի անում: Երբ մենեջերի օգնականը մի անգամ առաջարկել է նրան դադար առնել, տղամարդը հանդիմանել է վերջինիս:
«Ինձ մի՛ ասեք, թե ինչպես աշխատեմ»,- հայտարարել է տղամարդը:
«Այնպիսի զգացողություն ունեմ, ասես օգուտ եմ բերում ինչ-որ մեկին կամ ինչ-որ բանի: Չի կարելի հիմարի պես պարզապես գոյատևել: Մարդ պետք է կյանքը շարունակելու դրդապատճառ ունենա»,- պարզաբանել է վետերանը՝ ընդգծելով, որ աշխատում է ոչ այնքան գումարի, որքան օգտակար լինելու զգացողության համար:
Հայտնի է, որ Բեննին աշխատել սկսել է 7 տարեկանից: Այն ժամանակ նա անցորդների կոշիկներն է փայլեցրել: Ավելի ուշ նա վարսահարդարություն է սովորել, սակայն շուտով նրան բանակ են զորակոչել: Երկրորդ աշխարհամարտի տարիներին ամերիկացին ծառայել է ավիացիայում և մասնակցել Աֆրիկայում ու Իտալիայում ծավալվող մարտերին:
Հայաստանում կենսաթոշակառուների համար նոր հնարավորություններ են բացվում
Շիրակցի դպրոցականները մեկնել են ամառային հանգստի՝ դեպի «Արագած» ճամբար
Իսպանիայի ընտրանու հարձակվողը վնասվածք ունի
Երևանում մի քանի փողոցներում կփոխվի երթևեկության կազմակերպումը
Անտարկտիդայում հայտնաբերված առաջին դինոզավրի ոսկորը գտել են դարակում
Գալուզինը կասկածի տակ է դնում եվրոպական շուկաների՝ Հայաստանի համար այլընտրանք լինելը
Ոստիկանության գվարդիայի ծառայողներն ու համայնքային ոստիկանները թմրամիջոց պահելու դեպքեր են բացահայտե...
Մեծացել է ռուբլու առքի և վաճառքի տարբերությունը․ ի՞նչ վտանգներ կան բանկային համակարգի համար
Արարատի մարզ Քաղցրաշեն գյուղում կաթնամթերքի արտադրամասի գործունեություն է կասեցվել
Թուրքիան արձագանքել է Իսրայելի կառավարության կողմից Հայոց ցեղասպանությունը ճանաչող բանաձևի հաստատման...