Մոսկվայում թուրք զինծառայողները С-400 համակարգերի կառավարման դասընթացներ կանցնեն

Թուրք զինծառայողները Ռուսաստանի ռազմական կենտրոններից մեկում ռուսական С-400 «Տրիումֆ» զենիթահրթիռային համակարգերի կառավարման դասընթացներ կանցնեն, գրում է ՏԱՍՍ գործակալությունը՝ ռազմադիվանագիտական ոլորտում աղբյուրին հղումով:

Գործակալության զրուցակիցը պատմել է, որ մայիսի վերջին շուրջ 100 թուրք զինծառայողներ կժամանեն Ռուսաստանի Դաշնություն: Նրանց ուսուցումը կսկսվի հունիսին և կտևի շուրջ 5 ամիս: Թուրք զինծառայողների հետ մեկտեղ ռազմական դասընթացներ կանցնեն նաև Չինաստանի ազգային-ազատագրական բանակի զինծառայողները, որոնց ուսուցումը սկսվել է դեռևս այս տարվա մարտին:

Աղբյուրը հավելել է, որ Չինաստանի և Թուրքիայի զենիթայինների համաժամանակյա դասընթացներն աննախադեպ կլինեն նախկին ԽՍՀՄ-ի և ժամանակակից Ռուսաստանի պատմության մեջ: