Պուտինի եւ Թրամփի խոսակցությունն առաջ գնալու հնարավորություն է տալիս. Պոմպեո
ԱՄՆ պետքարտուղար Մայք Պոմպեոն Helsingin Sanomat թերթի հարցազրույցում ասել է, որ ամերիկյան ու ռուսաստանյան նախագահներ Դոնալդ Թրամփի եւ Վլադիմիր Պուտինի հեռախոսազրույցը երկրներին «առաջ շարժվելու» հնարավորություն է տալիս։
Ինչպես նշել է դիվանագետը, Վաշինգտոնը հույս ունի Մոսկվայի եւ Պեկինի հետ բանակցություններն սկսել սպառազինությունների վերահսկման վերաբերյալ նոր պայմանավորվածությունների համար։
«Նախագահներ Թրամփը եւ Պուտինը լավ խոսակցություն են ունեցել։ Կարծում եմ, որ դա հնարավորություն է տալիս կողմերին առաջ ընթանալ։ Նախագահ Թրամփը գիտակցում է, որ մեզ երկու գործընկեր է պետք, որոնք պատրաստ են հետեւել պայմանագրին»,- Պոմպեոյին մեջբերում է ՏԱՍՍ-ը։
Այս առնչությամբ, ինչպես նշել է պետքարտուղարը, անհրաժեշտ է համոզվել, որ կա համակարգ, որը տարբերվում է ՓՄՀՀՊ-ից, որը կողմերին կդրդի կատարել պահանջները։
«Նախագահը գիտակցում է, որ հիմա կա երրորդ կողմ։ Այդ պայմանագրերը ստեղծված են տասնամյակներ առաջ, երբ Չինաստանն այլ էր։ Հիմա նա աշխարհառազմավարական սպառնալիք է ներկայացնում, ուստի նախագահ Թրամփը շատ կցանկանար, որ Չինաստանը լինի ցանկացած ձեռք բերված համաձայնության մաս, մենք կջանանք հասնել դրան»,- ավելացրել է նա։
Նա հույս է հայտնել, որ համապատասխան բանակցությունները տեղի կունենան։
«Գուցե չափից ավելի հավակնոտ է խոսել նման կարճաժամկետ հեռանկարի մասին։ Մինչեւ Ռազմավարական հարձակողական սպառազինությունների մասին պայմանագրի ժամկետի ավարտը մնացել է երկու տարի։ Գուցե, մենք ստիպված լինենք աշխատել երկկողմ ձեւաչափով, բայց ես հույս ունեմ, որ երկխոսությունը կընթանա դրական հունով, որպեսզի գտնենք եռակողմ համագործակցության դիտարկման հնարավորություն»,- ասել է Պոմպեոն։
Նրա խոսքով՝ աշխարհը «զգալիորեն կշահի դրանից»։
Հայաստանում կենսաթոշակառուների համար նոր հնարավորություններ են բացվում
Շիրակցի դպրոցականները մեկնել են ամառային հանգստի՝ դեպի «Արագած» ճամբար
Իսպանիայի ընտրանու հարձակվողը վնասվածք ունի
Երևանում մի քանի փողոցներում կփոխվի երթևեկության կազմակերպումը
Անտարկտիդայում հայտնաբերված առաջին դինոզավրի ոսկորը գտել են դարակում
Գալուզինը կասկածի տակ է դնում եվրոպական շուկաների՝ Հայաստանի համար այլընտրանք լինելը
Ոստիկանության գվարդիայի ծառայողներն ու համայնքային ոստիկանները թմրամիջոց պահելու դեպքեր են բացահայտե...
Մեծացել է ռուբլու առքի և վաճառքի տարբերությունը․ ի՞նչ վտանգներ կան բանկային համակարգի համար
Արարատի մարզ Քաղցրաշեն գյուղում կաթնամթերքի արտադրամասի գործունեություն է կասեցվել
Թուրքիան արձագանքել է Իսրայելի կառավարության կողմից Հայոց ցեղասպանությունը ճանաչող բանաձևի հաստատման...