Ի՞նչ եկամուտներ է ստացել Կադաստրի պետական կոմիտեի ղեկավարը հարկային տարում. Սարհատ Պետրոսյանի հայտարարագիրը

«Ժողովուրդ» թերթը գրում է.

«Անշարժ գույքի կադաստրի կոմիտեի ղեկավար Սարհատ Պետրոսյանը Բարձ­րաստիճան պաշտոնատար անձանց էթիկայի հանձնաժողովին է ներկայաց­րել 2018 թվականի տարեկան հայտա­րարագիրը:

Բարձրաստիճան պաշտոնատար ան­ձանց էթիկայի հանձնաժողովի պաշտո­նական կայքում հրապարակված փաս­տաթղթից տեղեկանում ենք, որ Ս. Պետ­րոսյանը հայտարարագրել է տվյալներ դրամական միջոցների և եկամուտների վերաբերյալ:

2018թ. հարկային տարվա սկզբում Ս. Պետրոսյանի դրամական միջոցները կազմել են 9 892 245 ՀՀ դրամ, 50 ԱՄՆ դոլար և շուրջ 2615 եվրո:

Հարկային տարվա վերջում նրա՝ վերոնշյալ դրամական միջոցները համա­պատասխանաբար կազմել են 7 245 560 ՀՀ դրամ, 50 ԱՍՆ դոլար և շուրջ 2615 եվ­րո:

2018 թվականին Ս. Պետրոսյանի եկա­մուտների հանրագումարը կազմել է 9 523 511 ՀՀ դրամ:

Նշված հանրագումարից 3 191 478 ՀՀ դրամը, 842 572 ՀՀ դրամը և 4 034 461 ՀՀ դրամը գոյացել են աշխատավարձե­րից: 9 523 511 ՀՀ դրամ հանրագումա­րից 1 455 000 ՀՀ դրամը շահաբաժին է»,-գրում է թերթը:

Նյութն ամբողջությամբ կարդացեք թերթի այսօրվա համարում: