ԵՄ-ն քննադատել է Թուրքիայի ԿԸՀ որոշումը Ստամբուլում ընտրությունների արդյունքները չեղարկելու մասին
Թուրքիայի Բարձրագույն ընտրական հանձնաժողովի որոշումը Ստամբուլում քաղաքապետի ընտությունները արդյունքները չեղարկելու եւ կրկնակի քվեարկություն անցկացնելու մասին հակասում է ժողովրդավարական ընտրական գործընթացի բուն գաղափարին: Այս մասին նշված է ԵՄ արտաքին գործերի եւ անվտանգության քաղաքականության հարցերով ներկայացուցիչ Ֆեդերիկա Մոգերինիի եւ հարեւանության ընդլայնման ու քաղաքականության հարցերով եվրահանձնակատար Յոհաննես Հանի համատեղ հայտարարության մեջ, փոխանցում է ՏԱՍՍ-ը:
Թուրքիայի ԿԸՀ-ն երկուշաբթի որոշում էր ընդունել Ստամբուլում ընտրությունների արդյունքների չեղարկման մասին, որոնցում պարտվել էր նախկին վարչապետ Բինալի Յըլդըրըմը, որը երկրի նախագահ Ռեջեփ Թայիփ Էրդողանի ղեկավարած «Արդարություն եւ զարգացում» կուսակցության առաջադրած թեկնածուն էր: Բարձրագույն ընտրական հանձնաժողովը հայտնել է, որ ընդդիմադիր Ժողովրդա-հանրապետական կուսակցության թեկնածու Էքրեմ Իմամօղլուին քաղաքապետ ճանաչելու հավաստագիը հետ կկանչվի:
ԵՄ ներկայացուցիչների հայտարարության մեջ նշված է, որ Թուրքիայի ԿԸՀ որոշումը ընտրությունների արդյունքների չեղարկման մասին քաղաքականացված է եւ «հակասում է ժողովրդավարական ընտրական գործընթացի առանցքային նպատակին՝ ժողովրդական կամքի ընդունմանը»: Դրանից բացի, նման քայլը «խափանում է ընտրական գործընթացը, որին հանձնառու լինելը թուրք ժողովուրդը ցուցադրել էր՝ իր ձայնը տալով չափազանց մեծ մասնակցության պարագայում, ինչպես նաեւ խախտում է Թուրքիայի որպես Եվրոպայի խորհրդի անդամի ստանձնած պարտավորությունները», նշված է հայտարարութան մեջ:
Հայաստանում կենսաթոշակառուների համար նոր հնարավորություններ են բացվում
Շիրակցի դպրոցականները մեկնել են ամառային հանգստի՝ դեպի «Արագած» ճամբար
Իսպանիայի ընտրանու հարձակվողը վնասվածք ունի
Երևանում մի քանի փողոցներում կփոխվի երթևեկության կազմակերպումը
Անտարկտիդայում հայտնաբերված առաջին դինոզավրի ոսկորը գտել են դարակում
Գալուզինը կասկածի տակ է դնում եվրոպական շուկաների՝ Հայաստանի համար այլընտրանք լինելը
Ոստիկանության գվարդիայի ծառայողներն ու համայնքային ոստիկանները թմրամիջոց պահելու դեպքեր են բացահայտե...
Մեծացել է ռուբլու առքի և վաճառքի տարբերությունը․ ի՞նչ վտանգներ կան բանկային համակարգի համար
Արարատի մարզ Քաղցրաշեն գյուղում կաթնամթերքի արտադրամասի գործունեություն է կասեցվել
Թուրքիան արձագանքել է Իսրայելի կառավարության կողմից Հայոց ցեղասպանությունը ճանաչող բանաձևի հաստատման...