Շերեմետեւոյում ինքնաթիռի հրկիզման հետեւանքով զոհվել է 13 մարդ
Քննչական կոմիտեն հայտնել է, որ Շերեմետեւոյում «Աէրոֆլոտի» ինքնաթիռի վթարային վայրէջքի հետեւանքով զոհվել է 13 մարդ՝ ներառյալ երկու երեխա, հաղորդում է ՌԻԱ Նովոստի-ն:
Sukhoi Superjet 100 ինքնաթիռը, որը կատարում էր Մոսկվա-Մուրմանսկ չվերթը, թռիչքից 28 րոպե անց վերադարձել է Շերեմետեւո օդանավակայան եւ կատարել կոշտ վայրէջք: Ինքնաթիռը հաջողվել է նստեցնել միայն երկրորդ փորձից հետո վատ եղանակային պայմանների պատճառով: Վայրէջքի ժամանակ կոտրվել են ինքնաթիռի հենակներն ու հրկիզվել շարժիչները:
Ուղեւորները լքել են ինքնաթիռը փչովի օդանավասանդուղքի միջոցով: Ըստ թվիթերյան էջում «Դիկայա Մոսկվա»-ի հրապարակած տեղեկությունների՝ Շերեմետեւոյում այրվող ինքնաթիռի օդաչուները չեն լքել ինքնաթիռը մինչեւ դրանից դուրս են բերվել բոլոր ուղեւորները: Կան տեղեկություններ, որ բորտ-ուղեկցորդներից մեկը զոհվել է կրակում՝ փրկելով ուղեւորներին:
Հրդեհի հետեւանքով օդանավն այրվել է ամբողջությամբ:
Քննչական կոմիտեն հարուցել է քրեական գործ օդային տրանսպորտի կանոնները խախտելու հատկանիշներով, որի հետեւանքով զոհվել է երկու կամ ավելի անձ:
Վլադիմիր Պուտինը ցավակցել է զոհվածների հարազատներին ու մտերիմներին, ինչպես նաեւ կարգադրել անցկացնել արտակարգ պատահարի մանրամասն հետաքննություն եւ ցուցաբերել անհրաժեշտ օգնություն տուժածներին, ՌԻԱ Նովոստի-ին հայտնել է Ռուսաստանի առաջնորդի մամուլի քարտուղար Դմիտրի Պեսկովը:
Հայաստանում կենսաթոշակառուների համար նոր հնարավորություններ են բացվում
Շիրակցի դպրոցականները մեկնել են ամառային հանգստի՝ դեպի «Արագած» ճամբար
Իսպանիայի ընտրանու հարձակվողը վնասվածք ունի
Երևանում մի քանի փողոցներում կփոխվի երթևեկության կազմակերպումը
Անտարկտիդայում հայտնաբերված առաջին դինոզավրի ոսկորը գտել են դարակում
Գալուզինը կասկածի տակ է դնում եվրոպական շուկաների՝ Հայաստանի համար այլընտրանք լինելը
Ոստիկանության գվարդիայի ծառայողներն ու համայնքային ոստիկանները թմրամիջոց պահելու դեպքեր են բացահայտե...
Մեծացել է ռուբլու առքի և վաճառքի տարբերությունը․ ի՞նչ վտանգներ կան բանկային համակարգի համար
Արարատի մարզ Քաղցրաշեն գյուղում կաթնամթերքի արտադրամասի գործունեություն է կասեցվել
Թուրքիան արձագանքել է Իսրայելի կառավարության կողմից Հայոց ցեղասպանությունը ճանաչող բանաձևի հաստատման...