Թուրքական պարբերականը բացատրել է՝ ինչու է ԱՄՆ-ն վախենում Թուրքիայում ռուսական C-400-ների տեղակայումից
Türkiye պարբերականն անդրադարձել է թուրք-ամերիկյան հարաբերություններում լարվածության պատճառ դարձած C-400 ռուսական հակաօդային պաշտպանության համակարգերի գնմանը՝ բացատրելով՝ ինչու է ԱՄՆ-ն վախենում Թուրքիայում դրանց տեղակայումից:
Ըստ պարբերականի՝ ԱՄՆ-ն մտավախություն ունի, որ ռուսական համակարգերը ստանալուց հետո Անկարան կսկսի ավելի ակտիվ և ինքնուրույն քաղաքականություն վարել Մերձավոր Արևելքում:
Türkiye-ն գրում է, որ երբ Թուրքիան Սիրիայի տարածքում «Քրդստանի աշխատավորական կուսակցություն» խմբավորման ներկայացուցիչների դեմ գործողություն սկսի, քրդերին աջակցող ամերիկյան բանակը, հաշվի առնելով C-400-ի առկայության փաստը, չի կարողանա օդից օգնել քրդերին:
Նշվում է, որ ռուսական համակարգերը վախ են ներշնչում նաև տարածաշրջանում ԱՄՆ-ի մոտ դաշնակից Իսրայելին, որը երկարաժամկետ ծրագրեր ունի Միջերկրական ծովում բնական պաշարներով հարուստ թուրքական մայրցամաքային շելֆի նկատմամբ: Այդ հանքավայրերից օգուտ ստանալու հույսեր ունի նաև ԱՄՆ-ն, սակայն C-400-ի առկայության փաստը կխանգարի նրանց ծրագրերին:
Ըստ պարբերականի՝ սեփական շահերի պաշտպանության համար Թուրքիան պետք է հրաժարվի ԱՄՆ-ի և առհասարակ Արևմուտքի աջակցությունից:
«Ռուսաստանից C-400-ի գնման շնորհիվ Թուրքիան կապահովի Միջերկրական ծովում իր մայրցամաքային շելֆի անվտանգությունը, ռազմավարական առավելություններ կստանա Մերձավոր Արևելքում էներգետիկ աշխարհաքաղաքականությունում, տարածաշրջանում կվերացնի ահաբեկչական խմբերի ներկայությունը, ինչն էլ խիստ կնյարդայնացնի իր ազդեցությունը կորցնելուց վախեցող Միացյալ Նահանգներին»,-եզրափակել է աղբյուրը:
Հայաստանում կենսաթոշակառուների համար նոր հնարավորություններ են բացվում
Շիրակցի դպրոցականները մեկնել են ամառային հանգստի՝ դեպի «Արագած» ճամբար
Իսպանիայի ընտրանու հարձակվողը վնասվածք ունի
Երևանում մի քանի փողոցներում կփոխվի երթևեկության կազմակերպումը
Անտարկտիդայում հայտնաբերված առաջին դինոզավրի ոսկորը գտել են դարակում
Գալուզինը կասկածի տակ է դնում եվրոպական շուկաների՝ Հայաստանի համար այլընտրանք լինելը
Ոստիկանության գվարդիայի ծառայողներն ու համայնքային ոստիկանները թմրամիջոց պահելու դեպքեր են բացահայտե...
Մեծացել է ռուբլու առքի և վաճառքի տարբերությունը․ ի՞նչ վտանգներ կան բանկային համակարգի համար
Արարատի մարզ Քաղցրաշեն գյուղում կաթնամթերքի արտադրամասի գործունեություն է կասեցվել
Թուրքիան արձագանքել է Իսրայելի կառավարության կողմից Հայոց ցեղասպանությունը ճանաչող բանաձևի հաստատման...