Թրամփը հստակեցրել է Վենեսուելայում ռազմական գործողություններ իրականացնելու ծրագրերը
ԱՄՆ նախագահ Դոնալդ Թրամփը Fox News-ի եթերում հայտարարել է, որ չի ցանկանում զորք ուղարկել Վենեսուելա: Միևնույն ժամանակ նա ընդգծել է, որ «շրջադարձային պահի» հավանականություն միշտ էլ կա:
«Ես պարզապես ցանկանում եմ օգնել Վենեսուելայում գտնվող մարդկանց: Նրանք մահանում են, նրանք ոչինչ չունեն»,- ասել է Թրամփը, ով ավելի վաղ նաև նշել է, որ հաձորդ շաբաթ Վենեսուելայում ստեղծված քաղաքական իրավիճակի կարգավորման հարցում «շատ բաներ տեղի կունենան»:
Հիշեցնենք, որ ապրիլի 30-ին Վենեսուելայի ընդդիմությունը փորձել էր հեղաշրջում անել երկրում: Դրա առաջնորդ Խուան Գուաիդոն, որն իրեն երկրի ժամանակավոր նախագահ է հռչակել, իր աջակիցների հետ հավաքվել է Կարակասի «Կառլոտա» ռազմաբազայի մոտ, որտեղ ընդդիմադիր գործիչը ռազմական ընդվզման կոչ է արել և երկրի ժողովրդին, բանակին խնդրել դուրս գալ փողոցներ ու ավարտին հասցնել Մադուրոյին պաշտոնանկ անելուն ուղղված «Ազատություն» գործողության վերջին փուլը: Սակայն Վենեսուելայի գորժող իշխանությունները հայտարարել են, որ զինված ուժերը շարունակում են հավատարիմ մնալ իրենց, և որ պետական հեղաշրջման փորձը ձախողվել է:
Ավելի վաղ Վաշինգտոնը մեղադրել էր Ռուսաստանին Վենեսուելայի ներքին գործերին խառնվելու համար, իսկ ԱՄՆ պետքարտուղար Մայք Պոմպեոն հայտարարել էր, որ Վենեսուելայի նախագահ Նիկոլաս Մադուրոն պատրաստ է եղել ինքնաթիռով երկրից փախուստի դիմելու, սակայն ռուսական իշխանությունները կանխել են դա: Ինքը՝ Մադուրոն, նման հայտարարությունն անլուրջ էր համարել:
Հայաստանում կենսաթոշակառուների համար նոր հնարավորություններ են բացվում
Շիրակցի դպրոցականները մեկնել են ամառային հանգստի՝ դեպի «Արագած» ճամբար
Իսպանիայի ընտրանու հարձակվողը վնասվածք ունի
Երևանում մի քանի փողոցներում կփոխվի երթևեկության կազմակերպումը
Անտարկտիդայում հայտնաբերված առաջին դինոզավրի ոսկորը գտել են դարակում
Գալուզինը կասկածի տակ է դնում եվրոպական շուկաների՝ Հայաստանի համար այլընտրանք լինելը
Ոստիկանության գվարդիայի ծառայողներն ու համայնքային ոստիկանները թմրամիջոց պահելու դեպքեր են բացահայտե...
Մեծացել է ռուբլու առքի և վաճառքի տարբերությունը․ ի՞նչ վտանգներ կան բանկային համակարգի համար
Արարատի մարզ Քաղցրաշեն գյուղում կաթնամթերքի արտադրամասի գործունեություն է կասեցվել
Թուրքիան արձագանքել է Իսրայելի կառավարության կողմից Հայոց ցեղասպանությունը ճանաչող բանաձևի հաստատման...